LUKE 9:41 - Edisana ñwed Abasi Ibom

⁴¹ Edi Jesus ɔbɔrɔ ete, O emana unana mbuɔtidem ye ukwaŋido, adaŋa didie ke ndidu ye mbufo, nnyuŋ mme ime ye mbufo?

LUKE 9:41 ပူးပေါင်းရင်းမြစ်များ

2 NDIDEM 5:8

Edikem ke ini Elisha, owo Abasi, okopde ete ke edidem Israel ama asiak ɔfɔŋ-idem esie, enye ɔdɔŋ ekedɔhɔ edidem, ete, Nsinam afo akasiakde ɔfɔŋ-idem fo? Yak enye etiene mi, ndien enye eyefiɔk ete ke prophet ododu ke Israel.

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 16:28

Ndien Jehovah ɔdɔhɔ Moses ete, Adaŋa didie ke mbufo edisin ndinim mme ewuhɔ mi ye mme mbet mi?

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

NUMBERS 14:11

Jehovah onyuŋ ɔdɔhɔ Moses, ete, Adaŋa didie ke mbio emi edisin mi ke ndek? Ke adaŋa ewe ini ke mmɔ edinim uyo mi ke akpanikɔ? ebaŋa kpukpru mme utibe ŋkpɔ emi ŋkanamde ke otu mmɔ?

NUMBERS 14:27

Adaŋa didie ke ndidahado nnɔ idiɔk mbon esop emi esukde mi uyo? Mmokop nsukuyo nditɔ Israel, emi mmɔ esukde mi?

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

MATTHEW 12:39

Edi Enye ɔbɔrɔ mmɔ ete, Idiɔk emana eke amade efibe oyom idiɔŋɔ; ndien idinɔŋɔ enye idiɔŋɔ, ibɔhɔke idiɔŋɔ prophet Jonah.

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 17:17

Edi Jesus ɔbɔrɔ ete, O emana unana mbuɔtidem ye emana ukwaŋido, adaŋa didie ke ndidu ye mbufo? adaŋa didie ke ndime ime ye mbufo? Da enye sɔk Mi mi.

MATTHEW 23:36

Ke akpanikɔ ke ndɔhɔ mbufo, kpukpru ŋkpɔ emi eyesim emana emi.

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

MARK 10:14

Edi ke ini Jesus okutde, Enye ayat esit, onyuŋ ete mbet Esie, Eyak ŋkpri nditɔ etiene Mi; ekukpan mmɔ: koro Obio Ubɔŋ Abasi edide eke oruk emi.

MARK 10:49

Ndien Jesus atuak ada, ɔdɔhɔ ete ekot enye edi. Mmɔ ekot nnan oro, ete enye, Sɔŋ esit, daha ke enyɔŋ, Enye ke okot fi.

MARK 9:19

Edi Jesus ɔbɔrɔ mmɔ ete, O emana emi ananade mbuɔtidem, adaŋa didie ke ndidu ye mbufo? adaŋa didie ke ndime ime ye mbufo? da enye sɔk Mi. Mmɔ eda enye esɔk Jesus.

LUKE 8:25

Edi Enye ɔdɔhɔ mmɔ ete, Mbuɔtidem odu mmɔŋ? Ndik omum mmɔ ye mkpa-idem, mmɔ enyuŋ edɔhɔ kiet eken ete, Anie naŋa edi emi? Enye owuk kpa ofim ye mmɔŋ, ndien mmɔ ekop uyo Esie.

LUKE 9:40

Edi ŋkekpe mbet Fo ubɔk nte ebin enye eduɔk; edi mmɔ ikemeke.

LUKE 9:42

Da eyen fo di ken. Edi nte enye asaŋade edi, demon osio enye ɔduɔk ke isɔŋ, onyuŋ esiŋere enye ɔkpɔsɔŋ. Edi Jesus asua ɔnɔ edidehe spirit oro, onyuŋ anam eyen okop nsɔŋidem, onyuŋ ayak enye ɔnɔ ete esie.

JOHN 14:9

Jesus ete enye, Nte mmodu ye mbufo adaŋa anyan ini emi, ndien udiɔŋɔke Mi, Philip? Owo eke okokutde Mi okokut Ete; anam didie ndien ɔdɔhɔ ete, Wut nnyin Ete?

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

UTOM MME APOSTLE 13:18

Enye onyuŋ eme ime ye ido mmɔ ke desert ke adaŋa isua aba.

UTOM MME APOSTLE 2:40

Peter onyuŋ emen ediwak ikɔ efen etiŋ ɔnɔ mmɔ, onyuŋ akpak mmɔ ete, Enyaŋa idem mbufo esio ke ŋkwaŋa emana emi.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

DEUTERONOMY 32:5

Enye (Israel) amakabare ɔdiɔk ye enye, ndo mmɔ idige eke nditɔ esie: ke edi emana itun ye ukwaŋ.

MME HEBREW 3:19

Ntre ke nnyin ikut ite mmɔ ikekemeke ndiduk oto ke unana mbuɔtidem.

MME HEBREW 4:11

Mmɔdo eyak nnyin isin ifik iduk ke nduɔk-odudu oro, mbak owo baba kiet ediduk ke oruk ntut-utɔŋ oro ɔduɔ.

MME HEBREW 4:2

Koro ke akpanikɔ ema ekwɔrɔ gospel enɔ nnyin, kpa nte eke-kwɔrɔde enɔ mmɔ; edi ikɔ eke mmɔ ekopde inamke mmɔ ufɔn, koro mikadianake ye mbuɔtidem ke esit mmɔ emi ekopde.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.