LUKE 9:30 - Edisana ñwed Abasi Ibom

³⁰ Ndien sese, owo iba edineme nneme ye Enye; mmɔ edi Moses ye Elijah; emi ebiɔŋɔrede ke ubɔŋ,

LUKE 9:30 ပူးပေါင်းရင်းမြစ်များ

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 9:19

Mmɔ ebɔrɔ ete, John Baptist; edi mmɔ efen ete, Elijah; mmɔ efen ŋko ete, owo kiet ke otu ŋkani mme prophet ama eset.

LUKE 9:29

Ekem nte Enye ɔbɔŋde akam, iso Esie ɔkpuhɔre, edisine-ŋkpɔ Esie onyuŋ akabare afia, esem oduk owo ke enyin.

LUKE 9:31

enyuŋ enemede nneme ebaŋa mkpa emi Enye edikpade ke Jerusalem.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.