LUKE 9:26 - Edisana ñwed Abasi Ibom

²⁶ Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

LUKE 9:26 ပူးပေါင်းရင်းမြစ်များ

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MARK 8:38

Eyen owo eyekop but ye enye, ke ini Enye edide ke ubɔŋ Ete Esie ye ndisana angel Esie.

JOHN 12:43

Koro mmɔ emama ubɔŋ eke otode owo akan ubɔŋ eke etode Abasi.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

ŊWED MBON ROME 1:16

Koro but inamke mi ye gospel; koro enye edide odudu Abasi, emi ɔwɔrɔde erinyaŋa ɔnɔ kpukpru owo eke ebuɔtde idem; ɔnɔ mme Jew ke akpa-itie, onyuŋ ɔnɔ mme Greek.

2 ŊWED CORINTH 12:10

Mmɔdo mmadara ke mmem-idem, ye esuene, ye afanikɔŋ, ye isin-enyin, ye mbaba, kabaŋa Christ; koro ke adaŋemi idem ememde mi, adaŋoro ke ntim nnyene nsɔŋ-idem.

ŊWED MBON GALATIA 6:14

Edi nsa mi ndibure mbure, ibɔhɔke ke cross Ɔbɔŋ nnyin Jesus Christ, emi ekɔŋde ererimbot do ewot enɔ mi, enyuŋ ekɔŋde mi do ewot enɔ ererimbot.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.