LUKE 9:22 - Edisana ñwed Abasi Ibom

²² onyuŋ ɔdɔhɔ mmɔ ete, Eyen Owo enyene ndikut ediwak ukut, mbiowo ye ikpɔ oku ye mme scribe eyenyuŋ esin Enye, enyuŋ ewot Enye; ndien Abasi eyenam Enye eset ke ɔyɔhɔ usen ita.

LUKE 9:22 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MATTHEW 17:12

Ŋkɔm ndɔhɔ mbufo nte, Elijah ededi ama, ndien mmɔ ikɔdiɔŋɔke enye, edi ema enam enye se mmɔ emade. Kpasuk ntre ke Eyen Owo ŋko eyekut ukut ke ubɔk mmɔ.

MATTHEW 17:22

Edi ke ini mmɔ esuk esasaŋa ke Galilee, Jesus ɔdɔhɔ mmɔ ete, emɔŋ edida Eyen Owo esin mme owo ke ubɔk, ndien mmɔ eyewot Enye;

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

MARK 9:31

Koro Enye ekpepde mbet Esie ŋkpɔ, ete mmɔ, Emayak Eyen Owo esin mme owo ke ubɔk, ndien mmɔ eyewot Enye; ndien ke ini ewotde Enye, usen ita ema ebe, Enye eyeset.

LUKE 17:25

Edi Enye enyene ndibem iso ŋkut ediwak ukut, mbio emana emi eyenyuŋ esin Enye.

LUKE 24:26

Nte inaŋa nte Christ okut mme ukut emi, ndien ebe oduk ke Ubɔŋ Esie?

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 24:7

Eyeda Eyen owo esin mme idiɔk owo ke ubɔk, eyenyuŋ ewot Enye ke cross, ndien ke ɔyɔhɔ usen ita Enye eyetɔŋɔ ntak eset.

LUKE 9:44

Eyak mme ikɔ emi etim eduk mbufo utɔŋ, koro emɔŋ ediyak Eyen owo esin owo ke ubɔk.

1 ŊWED CORINTH 15:4

enyuŋ enam Enye eset ke mkpa ke ɔyɔhɔ usen ita, nte asaŋade ekekem ye se ŋwed Abasi ɔdɔhɔde:

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.