LUKE 9:2 - Edisana ñwed Abasi Ibom

² Enye onyuŋ osio mmɔ ɔdɔŋ ekɔkwɔrɔ Ubɔŋ Abasi, enyuŋ enam mbon udɔŋɔ ekop nsɔŋidem.

LUKE 9:2 ပူးပေါင်းရင်းမြစ်များ

MATTHEW 10:5

Jesus osio owo duopeba emi ɔdɔŋ mmɔ utom, onyuŋ eteme mmɔ ete, Ekuwaha eduk ke usuŋ mme Gentile, ekunyuŋ eduk ke obio mbon Samaria baba kiet;

MATTHEW 13:19

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

MATTHEW 24:14

Eyenyuŋ ekwɔrɔ gospel Ubɔŋ Abasi emi ke ofuri ekondo nte ntiense enɔ kpukpru mme idut, ndien adaŋoro ke utit eyedi.

MATTHEW 3:2

Mbufo ekabare esit; koro Ubɔŋ Heaven ke ekpere.

MARK 16:15

Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

MARK 6:12

Mbet edaha ekɔkwɔrɔ ete, Ekabare esit.

LUKE 10:1

EKEM ke mme ŋkpɔ emi ema ekebe, Ɔbɔŋ onim owo ata ye duop eŋwen, onyuŋ ɔdɔŋ mmɔ esaŋa iba iba ebem Enye iso, eka ekeduk ke kpukpru obio ye ebiet, eke Enye ke Idem Esie oyomde ndika.

LUKE 10:11

Kpa ntan obio mbufo, eke adianade nnyin ke ikpat, ke nnyin ikeŋ ifep idian mbufo: edi efiɔk emi ete, Ubɔŋ Abasi ama asaŋa ekpere.

LUKE 10:9

enyuŋ enam udɔŋɔ okure mbon-udɔŋɔ emi edude do, enyuŋ esian mmɔ ete, Ubɔŋ Abasi ama asaŋa ekpere mbufo.

LUKE 16:16

Ibet ye mme prophet ekedu tutu osim ini John: tɔŋɔ ke ini oro ekwɔrɔ eti mbuk Obio Ubɔŋ Abasi, kpukpru owo enyuŋ enam unyaŋa eduk ke esit.

LUKE 9:11

Edi ke adaŋemi mme otu owo efiɔkde, mmɔ etiene Enye. Ndien Enye adara mmɔ, onyuŋ etiŋ ikɔ ɔnɔ mmɔ abaŋa Ubɔŋ Abasi, onyuŋ ɔkɔk udɔŋɔ mmɔ emi eyomde nsɔŋ-idem.