LUKE 9:18 - Edisana ñwed Abasi Ibom

¹⁸ Edikem nte Enye ɔbɔŋde akam ikpɔŋ, mbet Esie edu ye Enye: ndien Enye obup mmɔ ete, Mme otu owo edɔhɔ ete Ami ndi anie?

LUKE 9:18 ပူးပေါင်းရင်းမြစ်များ

MATTHEW 14:23

Ekem ke ini Enye ama ɔkɔdɔŋ mbio-obio enyɔŋɔ, Enye ɔdɔk ke edikoŋ obot ke Idem Esie ikpɔŋ ndibɔŋ akam: edi ke ini osimde mbubreyo, Enye odu do ikpɔŋ.

MATTHEW 26:36

Ekem Jesus asaŋa ye mmɔ edisim ebiet emi ekerede Gethsemane, onyuŋ ɔdɔhɔ mbet Esie ete, Mbufo etie mi, tutu ŋka ko ŋkɔbɔŋ akam.

LUKE 11:1

EDIKEM, nte Enye ɔbɔŋde akam ke ebiet kiet, ke ini Enye odopde, kiet ke otu mbet Esie ɔdɔhɔ Enye ete, Ɔboŋ, kpep nnyin ndibɔŋ akam, kpa nte John onyuŋ ekpepde mbet esie.

LUKE 3:21

Edikem, ke ini kpukpru owo enade baptism ema, Jesus onyuŋ anade baptism onyuŋ ɔbɔŋde akam,

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

LUKE 9:19

Mmɔ ebɔrɔ ete, John Baptist; edi mmɔ efen ete, Elijah; mmɔ efen ŋko ete, owo kiet ke otu ŋkani mme prophet ama eset.

LUKE 9:28

Edikem ke ini ekperede ndiyɔhɔ usen itiaita nte Enye eketiŋde ikɔ emi, Enye ada Peter, ye John, ye James, ɔdɔk ke akwa obot ndibɔŋ akam.

LUKE 9:29

Ekem nte Enye ɔbɔŋde akam, iso Esie ɔkpuhɔre, edisine-ŋkpɔ Esie onyuŋ akabare afia, esem oduk owo ke enyin.