LUKE 9:1 - Edisana ñwed Abasi Ibom

¹ EKEM Enye okot mbet Esie duopeba obon ɔtɔ kiet, onyuŋ ɔnɔ mmɔ odudu ye unen ndikara kpukpru mme demon, ndiyuŋ nnam mme udɔŋɔ ekure.

LUKE 9:1 ပူးပေါင်းရင်းမြစ်များ

MATTHEW 16:19

Nyeda mme ukpɔhɔre Obio Ubɔŋ Heaven nsin fi ke ubɔk; ndien se ededi eke afo edibɔpde ke isɔŋ, ke eyebɔp ke heaven, se ededi afo editatde ke isɔŋ ke eyenyuŋ etat ke heaven.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MATTHEW 8:9

Koro ami ke idem mi ndu ke idak erikara, mmonyuŋ nnyene mbon-ekɔŋ eke esinede mi ke idak; nnyuŋ ndɔhɔ owo emi nte ka, ndien enye aka; nnyuŋ ndɔhɔ owo efen, nte, Di, ndien enye edi; nnyuŋ ndɔhɔ owo mi, nte, Nam emi, ndien enye anam.

LUKE 10:1

EKEM ke mme ŋkpɔ emi ema ekebe, Ɔbɔŋ onim owo ata ye duop eŋwen, onyuŋ ɔdɔŋ mmɔ esaŋa iba iba ebem Enye iso, eka ekeduk ke kpukpru obio ye ebiet, eke Enye ke Idem Esie oyomde ndika.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.

JOHN 14:12

Ke akpanikɔ ke ndɔhɔ mbufo, Owo eke ɔbuɔtde idem ye ami eyenyuŋ anam utom eke Ami nnamde; enye eyenyuŋ anam utom eke okponde akan oro: sia Ami nnyɔŋde ntiene Ete.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 3:16

Ndien oto koro owo emi ɔbuɔtde idem ke enyiŋ Esie, enyiŋ Esie ama anam owo emi mbufo ekutde enyuŋ efiɔkde okop nsɔŋidem: ke akpanikɔ, mbuɔtidem emi otode ke enye ama ɔnɔ owo emi ɔyɔhɔ nsɔŋidem ntem ke iso mbufo kpukpru.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

UTOM MME APOSTLE 9:34

Ndien Peter ɔdɔhɔ enye ete, Aeneas, Jesus Christ anam udɔŋɔ fo okure; daha ke enyɔŋ, tim mkpana fo.