LUKE 8:54 - Edisana ñwed Abasi Ibom

⁵⁴ Edi Jesus omum enye ke ubɔk, okot enye ete, Enyen-aŋwan, daha ke enyɔŋ.

LUKE 8:54 ပူးပေါင်းရင်းမြစ်များ

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

MATTHEW 9:25

Ndien mmɔ esak Enye nsahi. Edi ke ini ema ekosioŋo otu owo ke ufɔk, Enye oduk omum eyen oro ke ubɔk; ndien enye adaha ke enyɔŋ.

MARK 1:31

Ndien Jesus edi edimum enye ke ubɔk, emenere enye; ndien ufiop-idem ɔkpɔŋ enye, enye onyuŋ anam ŋkpɔ ɔnɔ mmɔ.

MARK 8:23

Ndien Enye omum nnan oro ke ubɔk, onyuŋ ada enye ɔwɔrɔ ke obio-iŋwaŋ; ndien ke Enye ama akafiari enye etap ke enyin, onyuŋ odori enye ubɔk, obup enye ete, Nte omokut ŋkpɔ?

MARK 9:27

Edi Jesus omum enye ke ubɔk, emenere enye: ndien enye adaha ke enyuŋ.

LUKE 8:51

Edi ke adaŋemi Enye odukde ufɔk, Enye iyakke baba owo kiet asaŋa ye Enye oduk, ke mibɔhɔke Peter, ye John, ye James, ye ete ye eka eyen-aŋwan.

LUKE 8:53

Edi mmɔ esak Enye nsahi, koro mmɔ efiɔkde ete enye ama akpa.

LUKE 8:55

Ndien spirit esie afiak edi, enye onyuŋ adaha ke enyɔŋ ini kiet: ndien Jesus ɔnɔ uyo ete, enɔ enye ŋkpɔ adia.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

UTOM MME APOSTLE 9:40

Edi Peter anam kpukpru mmɔ ewɔŋɔ, onyuŋ ɔtɔŋɔ edɔŋ, ɔbɔŋ akam; ndien akabare ese okpo, ete, Tabitha, daha ke enyɔŋ. Enye atat enyin esie; ndien ke ini enye okutde Peter, enye adaha etetie.

ŊWED MBON ROME 4:17

emi edide ete nnyin kpukpru (nte ewetde ete, Mmanam fi edi ete ediwak mme idut) ke enyin Esie emi enye ɔbuɔtde idem ye Enye, kpa Abasi, emi anamde mme akpa-mkpa edu uwem, onyuŋ okotde se miduhe nte ŋkpɔ eke edude.