LUKE 8:44 - Edisana ñwed Abasi Ibom

⁴⁴ onyuŋ otuk nnyeriye ɔfɔŋ-idem Esie: ndien idaha oro eriwɔrɔ iyip esie ekpehe.

LUKE 8:44 ပူးပေါင်းရင်းမြစ်များ

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MATTHEW 20:34

Edi Jesus okop mbɔm, otuk mmɔ enyin; ndien ndo-ndo oro mmɔ ekut usuŋ enyuŋ etiene Enye.

MATTHEW 8:3

Ndien Jesus anyan ubɔk, otuk enye, ete, Mmonyime, sana. Ndien ndo-ndo oro owo oro asana ɔbɔhɔ akpa-mfia esie.

MATTHEW 9:20

Ndien sese, ŋwan kiet, emi ɔkɔdɔŋɔdɔ eriwɔrɔ-iyip isua duop-eba, etiene Jesus ke edem edituk nnyeriye ɔfɔŋidem Esie:

MARK 6:56

Ndien ebiet ekededi eke Enye odukde, mme obio-iŋwaŋ, mme ikpɔ obio, mme iŋwaŋ, mmɔ enim mbon udɔŋɔ ke aŋwa-urua, enyuŋ ekpe Enye ubɔk ete mmɔ oro etuk ekpedi nnyeriye ɔfɔŋidem Esie. Ndien adaŋa ibat owo nte etukde Enye ekop nsɔŋidem.

LUKE 13:13

Enye onyuŋ odori enye ubɔk ke idem: ndien ndo-ndo oro idem esie eneŋere, enye onyuŋ otoro Abasi.

LUKE 7:38

ada ufuɔŋkpɔ ke otu alabaster edi, onyuŋ ada Enye ke edem-edem ke ukot, atua eyet, ndien mmɔŋ-eyet esie ebit Jesus ukot; enye onyuŋ ada idet ibuot esie ɔkwɔhɔre Enye ukot, otim ukot Esie inua, onyuŋ ada ufuɔŋkpɔ eyet Enye ke ukot.

LUKE 8:43

Edi nte Enye akade, mme otu owo ebere Enye. Ndien ŋwan kiet, emi ɔkɔdɔŋɔde eriwɔrɔ iyip ke isua duopeba, okonyuŋ abiatde kpukpru se akpadade odu uwem ɔnɔ mbia-ibɔk, baba owo kiet minyuŋ ikemeke ndinam enye okop nsɔŋidem, etiene Enye ke edem,

LUKE 8:45

Ndien Jesus ɔdɔhɔ ete,Anie owo okotuk Mi? Edi ke ini kpukpru owo ekaŋde, Peter ye mmɔ emi edude ye enye edɔhɔ Enye ete, Ɔbɔŋ, mme otu owo ebere Fi enyuŋ ebaha Fi.

JOHN 5:13

Edi owo emi udɔŋɔ okurede enye ifiɔkke Enye emi ɔkɔdɔhɔde enye ntem: koro Jesus ama adaha, sia otu owo edude ke ɔtɔ oro.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 5:15

tutu mmɔ emen mbon udɔŋɔ ewɔŋɔ edinim ke mbri ye ke mkpana ke efak, man ekpedi mfut Peter ɔduɔ ndusuk mmɔ ke idem, ke adaŋemi enye asaŋade ebe.

DEUTERONOMY 22:12

Nam nyeriye ke idem fo sin ke mben ufuhɔ-ŋkpɔ fo mbinaŋ eke afo ɔfuhɔde.