LUKE 8:39 - Edisana ñwed Abasi Ibom

³⁹ Edi Jesus anam enye ɔnyɔŋ, onyuŋ ɔdɔhɔ enye ete,Fiak nyɔŋ ufɔk, kobuk ikpɔ ŋkpɔ eke Abasi akanamde ɔnɔ fi. Ndien enye ɔnyɔŋ akasuan mbuk ikpɔ ŋkpɔ eke Jesus akanamde ɔnɔ enye ke ofuri obio.

LUKE 8:39 ပူးပေါင်းရင်းမြစ်များ

ŊWED MME PSALM 66:16

Kpukpru mbufo emi ebakde Abasi, edi edikop, ndien nyesian mbufo se enye akanamde ye ukpɔŋ mi.

MARK 1:45

Edi enye ɔwɔrɔ ɔtɔŋɔ nditaŋa ŋkpɔ emi eti-eti, ndinyuŋ nsuan ikɔ emi, tutu Jesus ikemeke aba ndiduk ke obio aŋwa-aŋwa, edi odu ke edem ke ebiet desert: ndien mmɔ eto ke kpukpru edem etiene Enye.

MARK 5:18

Edi nte Jesus edierede ke ubom, owo emi mme demon ekemumde ekpe Enye ubɔk ete, ayak imɔ idu ye Enye.

MARK 5:19

Edi Jesus inyimeke inɔ enye, edi ɔdɔhɔ enye ete, Nyɔŋ ufɔk tiene mme ufan fo, nyuŋ sian mmɔ ikpɔ ŋkpɔ eke Ɔbɔŋ akanamde ɔnɔ fi, ye nte Enye akatuade fi mbɔm.

LUKE 8:38

Edi owo emi mme demon ekɔwɔŋɔde enye ke idem ebeŋe Enye ete ayak imɔ idu ye Enye.

LUKE 8:40

Edikem ke ini Jesus afiakde ekebehe, otu owo edara ndikut Enye; koro mmɔ kpukpru etiede ebet Enye.

JOHN 4:29

Edi edise owo emi ekemende kpukpru se akananam nnamde etiŋ ɔnɔ mi; ndi Enye edi Christ?

DEUTERONOMY 10:21

Enye edi itoro fo, onyuŋ edi Abasi fo, emi akanamde ikpɔ ŋkpɔ ye ŋkpɔ ndik emi ye afo, nte enyin fo ema ekekut.

1ŊWED TIMOTHY 5:8

Owo eke mitimke ŋkpɔ inɔ oruk esie, akpan-akpan mbon ufɔk esie, esiŋe nsa ye mbuɔtidem, onyuŋ ɔdiɔk akan owo eke minimke ke akpanikɔ.