LUKE 8:24 - Edisana ñwed Abasi Ibom

²⁴ Edi mmɔ edi edidemere Enye, ete, Andikpep, Andikpep, nnyin imatak. Edi Enye edemere, asua ɔnɔ ofim ye mbufut mmɔŋ: ndien mmɔ edobo, ena suŋ-ŋ.

LUKE 8:24 ပူးပေါင်းရင်းမြစ်များ

ŊWED MME PSALM 65:7

emi osukde uyom inyaŋ, kpa uyom odut mmɔ, ye uyom mme idut.

ISAIAH 50:2

Nsinam baba owo kiet miduhe ke ini ŋkedide? Nsinam ŋkotde, ndien baba owo kiet miyereke? Nte ubɔk mi amakabare ɔmuhɔ akan nte ŋkemede ndifak? Nte baba odudu iduhe mi ke idem, eke mmeŋkemeke ndinyaŋa? Sese, nyenam inyaŋ asat ke nduari mi, nnyuŋ ŋkabare mme akpa mmɔŋ edi wilderness: iyak mmɔ eyetebe, koro mmɔŋ miduhe, enyuŋ ekpaŋa ke nsat-itɔŋ.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

NAHUM 1:4

Enye aduari inyaŋ ibom, onyuŋ anam enye asat, onyuŋ anam mmɔŋ okure ke kpukpru mme akpa: Bashan eyemere ye Carmel ŋko, nsehe Lebanon onyuŋ eyemere.

MATTHEW 14:30

Edi ke ini enye esede ofim, ndik anam enye: enye onyuŋ ɔtɔŋɔ ndideŋ, onyuŋ ofiori ete, Ɔbɔŋ, nyaŋa mi.

MATTHEW 8:25

Ndien mmɔ edi edidemere Enye, ete, Ɔbɔŋ, nyaŋa nnyin; imɔŋ itak.

MARK 4:39

Ndien Enye edemere asua ɔnɔ ofim, onyuŋ ɔdɔhɔ inyaŋ ete, Dobo, na suŋ. Ndien ofim odobo, mmɔŋ onyuŋ ana suŋ-ŋ.

LUKE 4:35

Edi Jesus asua ɔnɔ enye ete, Kibi inua; nyuŋ wɔrɔ enye ke idem. Ndien ke ama okosio enye ɔduɔk ke iso mmɔ, ɔwɔrɔ enye ke idem, inamke enye baba ŋkpɔ kiet.

LUKE 4:39

Ndien Enye ada ekpere enye, asua ɔnɔ ufiop-idem; ndien ufiop-idem ɔkpɔŋ enye: enye onyuŋ adaha ke enyɔŋ ini kiet anam ŋkpɔ ɔnɔ mmɔ.

LUKE 5:5

Simon ɔbɔrɔ ete, Ɔbɔŋ, nnyin ikakpa utom ofuri okoneyo, inyuŋ imumke baba ŋkpɔ kiet: edi ke uyo Fo nyeduɔk iyire.

LUKE 8:25

Edi Enye ɔdɔhɔ mmɔ ete, Mbuɔtidem odu mmɔŋ? Ndik omum mmɔ ye mkpa-idem, mmɔ enyuŋ edɔhɔ kiet eken ete, Anie naŋa edi emi? Enye owuk kpa ofim ye mmɔŋ, ndien mmɔ ekop uyo Esie.