LUKE 8:22 - Edisana ñwed Abasi Ibom

²² Edikem ke usen kiet, Enye ediere ke ubom ye mbet Esie, ete mmɔ, Eyak iwat ibe ika ke edem inyaŋ oko: ntre ke mmɔ esio.

LUKE 8:22 ပူးပေါင်းရင်းမြစ်များ

MATTHEW 14:22

Ekem Enye enyik mbet Esie ediere ke ubom, ete, ebem Imɔ iso eka ke edem eken, tutu Imɔ idɔŋ mme otu owo enyɔŋɔ.

MATTHEW 8:18

Edi ke ini Jesus okutde nte ediwak otu owo ekande Enye ekuk, enye ɔnɔ uyo ete mme imɔ idaha ika ke edem oko.

MARK 5:21

Ekem ke ini Jesus ama ɔkɔtɔŋɔ ntak ebe inyaŋ ke ubom osim edem eken, akwa otu owo ebono etiene Enye: Enye onyuŋ odu ke mben inyaŋ.

MARK 6:45

Ndien idaha oro Enye enyik mbet Esie ediere ke ubom, ete ebem Imɔ iso eka ke Bethsaida ke edem eken, tutu Imɔ ke Idem Imɔ idɔŋ otu owo enyɔŋɔ.

MARK 8:13

Ndien Enye ɔkpɔŋ mmɔ, ɔtɔŋɔ ntak ediere ke ubom, ebe aka ke edem oko.

LUKE 5:1

EDIKEM ke adaŋemi otu owo efihede Enye man ekop ikɔ Abasi, Enye ada ke mben inyaŋ Gennesaret;

LUKE 8:23

Edi nte mmɔ ewatde, Enye ɔduɔ idap: ndien oyobio ofime ɔsuhɔre ke inyaŋ; mmɔŋ onyuŋ ɔtɔŋɔ ndiyɔhɔ ke ubom, mmɔ enyuŋ edu ke itie-ndik.

LUKE 8:33

Enye onyime. Mme demon enyuŋ ewɔŋɔ owo oro ke idem ekoduk mme edi; ndien otu edi ebumere efeŋe esuhɔre ke ebedeŋ, eduɔŋɔ ke inyaŋ, ekpaŋa.

JOHN 6:1

KE ŋkpɔ emi ema ekebe, Jesus adaha aka ke edem inyaŋ Galilee oko, emi edide inyaŋ Tiberias.

UTOM MME APOSTLE 27:2

Ntre ke nnyin idiere ke ubom Adramyttium, emi oyomde ndiwat ke mme obio mben inyaŋ Asia, inyuŋ isio; Aristarchus, eyen Macedonia emi otode ke Thessalonica, etiene odu ye nnyin.