LUKE 8:2 - Edisana ñwed Abasi Ibom

² ndusuk iban ŋko, emi Enye akanamde mme idiɔk spirit ye udɔŋɔ ekure mmɔ enyuŋ edu ye mmɔ: mmɔ edi Mary emi ekerede Magdalene, emi demon itiaba ekewɔrɔde enye ke idem,

LUKE 8:2 ပူးပေါင်းရင်းမြစ်များ

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MARK 16:1

EKEM ke ini sabbath ebede, Mary Magdalene, ye Mary eka Joses, ye Salome edep ufuɔŋkpɔ, man mmɔ edi ediyet Enye idem.

MARK 16:9

Ke ini Jesus abakde eset ke akpa usen urua, ebem iso ayarare idem owut Mary Magdalene, emi Enye okosiode enye demon itiaba ke idem.

LUKE 23:27

Ndien ata ediwak owo etiene Enye, ye ata ediwak iban emi etuaŋade enyuŋ esemede Enye.

LUKE 23:49

Ndien kpukpru mme idiɔŋɔ Esie, ye iban emi eketode ke Galilee esaŋa ye Enye, eda do nsan-nsan ese mme ŋkpɔ emi.

LUKE 23:55

Ndien iban, emi eketode ke Galilee esaŋa ye Jesus, etiene ke edem, enyuŋ ekut udi, ye adaŋa nte enimde okpo Esie.

LUKE 8:30

Edi Jesus obup enye ete, Nso idi enyin fo? Enye ɔdɔhɔ ete, Ŋkere Legion (udim); koro ediwak mme demon ekodukde enye ke idem.

JOHN 19:25

Ntem ke mbon-ekɔŋ enam ŋkpɔ emi. Edi eka Jesus, ye eyen-eka eka Esie, Mary ŋwan Clopas, ye Mary Magdalene ke eda ekpere cross Jesus.

UTOM MME APOSTLE 1:14

Kpukpru mmɔ emi eda esit kiet edɔdiɔŋ eyire ke akam, ye iban oro, ye Mary eka Jesus, ye nditɔ eka Esie.