LUKE 8:18 - Edisana ñwed Abasi Ibom

¹⁸ Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

LUKE 8:18 ပူးပေါင်းရင်းမြစ်များ

MME ŊKE 14:12

Enyene usuŋ eke enende ke iso owo: ndien utit esie edi usuŋ mkpa.

MATTHEW 13:12

Koro eyenɔ owo ekededi eke enyenede ekɔrɔ, ndien enye eyenyene uwak-uwak; edi owo ekededi eke minyeneke, eyebɔ enye kpa se enye enyenede.

MATTHEW 25:29

Koro eyenɔ kpukpru owo eke enyenede, ndien enye eyenyene awak akan: edi ama edi owo eke minyeneke, eyebɔ enye kpa se enye enyenede.

MARK 13:14

Edi ke adaŋami mbufo edikutde ŋkpɔ mbubiam nsobo nte adade ke ɔtɔ eke mikpadaha (yak owo eke okotde ŋwed otim ɔfiɔk), adaŋoro yak mmɔ emi edude ke Judaea efeŋe eka ikpo obot;

LUKE 19:26

Ndɔhɔ mbufo nte, eyenɔ kpukpru owo eke enyenede; edi eyebɔ enye eke minyeneke kpa se enye enyenede.

LUKE 9:44

Eyak mme ikɔ emi etim eduk mbufo utɔŋ, koro emɔŋ ediyak Eyen owo esin owo ke ubɔk.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

UTOM MME APOSTLE 10:33

Mmɔdo idaha oro ndɔŋ ebine fi; ndien omotim anam emi ama edi. Mmɔdo ke emi kpukpru nnyin idu mi ke iso Abasi, man ikop kpukpru se Jehovah ɔdɔhɔde fi etiŋ.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

ŊWED MBON ROME 12:3

Nda mfɔn eke ekenɔde mi ndɔhɔ kpukpru owo ke otu mbufo, nte enye okukere ete idi ŋkpo ikan nte ekpekerede: edi yak enye ekere abaŋa idem esie nte enyene-ibuot owo ekpekerede, nte ekemde ye idomo mbuɔtidem eke Abasi ɔkɔnɔde owo kiet kiet.

1 ŊWED CORINTH 14:37

Edieke owo abatde idem ete idi asiak-uduak-Abasi inyuŋ inyene spirit, yak enye ɔfiɔk ete se ŋwetde nnɔ esɔk mbufo edi uyo Ɔbɔŋ.

1 ŊWED CORINTH 3:18

Owo okubiaŋa idem. Edieke owo mbufo ekededi esede idem ke enyene-ibuot owo ke eyo emi, yak enye akabare edi ndisime, man enye ɔfiɔk ŋkpɔ.

1 ŊWED CORINTH 8:2

Owo ama ese ete imɔ ifiɔk ŋkpɔ, enye ifiɔkke kaŋa ŋkpɔ nte enye ɔkpɔfiɔkde;

ŊWED MBON PHILIPPI 3:4

Ami ke idem mi ŋkponyuŋ mbeberi idem ke obukidem. Edieke owo ekededi esede ete imekeme ndiberi idem ke obukidem, ami ŋkeme ŋkan.

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.