LUKE 8:14 - Edisana ñwed Abasi Ibom

¹⁴ Ndien mkpasip oro eduɔŋɔde ke ikɔt ŋkukim edi mmɔ emi ekopde, ndien, nte mmɔ ekade eke mmɔ, ekikere ye inyene ye inemesit uwem ebaba mmɔ ewot; ntre ke mmɔ iŋwumke mfri eke ɔfɔnde ama.

LUKE 8:14 ပူးပေါင်းရင်းမြစ်များ

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MARK 4:19

ye abiaŋa inyene, ye mme idiɔk itɔŋ ŋkpɔ eŋwen eduk ebaba ikɔ ewot; ntre ke ikɔ akabare anana mfri.

LUKE 16:13

Baba eyen -ufɔk kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

LUKE 8:13

Mmɔ oro ke enyɔŋ itiat edi mmɔ emi ekopde ikɔ enyuŋ ebɔde ke idaresit; edi mmɔ inyeneke oruŋ, ntre ke mmɔ enim ke akpanikɔ ke ini esisit, enyuŋ efiak edem ke ini idomo.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

LUKE 8:7

Ndusuk eduɔŋɔ ke ufot ikɔt ŋkukim; ndien ŋkukim ekɔri ntre ye mmɔ, ebaba mmɔ ewot.

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

2 ŊWED TIMOTHY 4:10

Koro Demas ɔmɔkpɔŋ mi, sia enye amade eyo emi odude ke emi, adaha ɔnyɔŋ ke Thessalonica; Crescens aka Galatia, Titus onyuŋ aka Dalmatia.

MME HEBREW 6:1

EYAK nnyin ikpɔŋ ndien nditiŋ mbaŋa akpa eritɔŋɔ ukpep-ŋkpɔ Christ, isin idem ibine ifiɔk eke ɔfɔnde ama; ikutɔŋɔ ntak inim ukot ifiɔk ke erikpep mbaŋa erikabare-esit ke utom mkpa,