LUKE 8:1 - Edisana ñwed Abasi Ibom

¹ EDIKEM ke mibigike, Enye asaŋa ke ikpɔ obio ye obio-iŋwaŋ, ɔkwɔrɔ onyuŋ obuk eti mbuk Ubɔŋ Abasi, mbet duopeba enyuŋ esaŋa ye Enye;

LUKE 8:1 ပူးပေါင်းရင်းမြစ်များ

MATTHEW 11:1

EDIKEM, ke ini Jesus ama ɔkɔnɔ mbet esie duopeba item ama, Enye adaha ɔkpɔŋ edem oro, aka ndikpep ndiyuŋ ŋkwɔrɔ ikɔ Abasi ke mme obio mmɔ.

MATTHEW 13:19

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MARK 1:39

Ndien Enye asaŋa oduk ke mme synagogue mmɔ ke ofuri Galillee, ɔwɔrɔ ikɔ, onyuŋ ebin demon ɔduɔk.

LUKE 1:80

Edi eyen oro ɔkɔri, onyuŋ okop idem ke spirit; onyuŋ oduŋ ke desert tutu osim usen eke eyararede enye enɔ Israel.

LUKE 20:1

EDIKEM ke mme usen oro kiet, nte Enye ekpepde mbio-obio ŋkpɔ ke temple, onyuŋ ɔkwɔrɔde gospel, ikpɔ oku ye mme scribe ye mbiowo etiene Enye;

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

LUKE 9:6

Ndien mmɔ edaha ekasaŋa ke kpukpru obio-iŋwaŋ, ekwɔrɔ gospel, enyuŋ enam udɔŋɔ ekure ke kpukpru ebiet.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 13:32

Ndien nnyin ida eti etop uŋwɔŋɔ oro ekeŋwɔŋɔde enɔ mme ete isɔk mbufo, ite,

ŊWED MBON ROME 10:15

Mmɔ edinyuŋ enam didie ekwɔrɔ, ke mibɔhɔke edɔdɔŋ mmɔ? kpa nte ewetde ete, Ikpat mmɔ emi edade etop nti ŋkpɔ eye adaŋa didie!