LUKE 7:14 - Edisana ñwed Abasi Ibom

¹⁴ Enye onyuŋ asaŋa ekpere otuk ubiom-okpo: ndien mme andibiom etuak eda. Enye ete, Akparawa, ndɔhɔ fi nte Daha ke enyɔŋ.

LUKE 7:14 ပူးပေါင်းရင်းမြစ်များ

1 NDIDEM 17:21

Ndien enye anyanare idem esie ke idem eyen utim ikata, onyuŋ eseme ɔnɔ Jehovah, ete, O Jehovah Abasi mi, mbɔk, yak ukpɔŋ eyen emi afiak oduk enye ke idem.

1 NDIDEM 17:22

Ndien Jehovah okop uyo Elijah; ukpɔŋ eyen oro onyuŋ afiak oduk enye ke idem, ndien enye eset.

ŊWED JOB 14:12

Kpa ntre ke owo ɔsuhɔre ana ke isɔŋ, inyuŋ idahake ke enyɔŋ: mmɔ idemekede tutu ikpa-enyɔŋ okure, idinyuŋ ituakke mmɔ ke idap mmɔ.

ŊWED JOB 14:14

Ke owo akpade, nte enye ediset? nyebet ke ofuri ini utom mi, tutu erikpuhɔre itie mi edi.

ŊWED MME PSALM 33:9

Koro edi enye ɔkɔdɔhɔ, ndien ɔwɔrɔ: edi enye okowuk, ndien ada.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

MARK 5:41

Ndien Enye omum eyen ke ubɔk, ɔdɔhɔ enye ete, Talitha cumi; emi ɔwɔrɔde ete, Eyen-aŋwan, ndɔhɔ fi nte, daha ke enyɔŋ.

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

LUKE 7:15

Ndien akpa-mkpa adaha etie, ɔtɔŋɔ nditiŋ ikɔ.

LUKE 7:17

Ndien etop Esie asuana ke ofuri Judaea ye ke kpukpru ŋkan-ŋkuk ebiet.

JOHN 11:25

Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

ŊWED MBON ROME 4:17

emi edide ete nnyin kpukpru (nte ewetde ete, Mmanam fi edi ete ediwak mme idut) ke enyin Esie emi enye ɔbuɔtde idem ye Enye, kpa Abasi, emi anamde mme akpa-mkpa edu uwem, onyuŋ okotde se miduhe nte ŋkpɔ eke edude.

ŊWED MBON EPHESUS 5:12

koro nditetiŋ mbaŋa se mmɔ enamde ke ndibe edi ŋkpɔ but.