LUKE 7:12 - Edisana ñwed Abasi Ibom

¹² Edi nte Enye ekperede inua-otop obio, sese, ke ebiom okpo owo ewɔrɔ; enye oro edi ikpɔŋ eyen eka esie, emi onyuŋ edide ebe-akpa: ediwak mbio-obio enyuŋ esaŋa ye enye.

LUKE 7:12 ပူးပေါင်းရင်းမြစ်များ

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

GENESIS 22:2

Se ami mi, Ndien Enye ete, Da ndien eyen fo, eyen fo kierakiet, Isaac emi afo amade, ka ke isɔŋ Moriah; nyuŋ wa enye do ke uwa ke akamba obot kiet eke ndidɔhɔde fi.

2 SAMUEL 14:7

Ndien, sese, ofuri oruk nnyin emedaha ke enyɔŋ enam ikɔ ye ofun aŋwan fo, enyuŋ edɔhɔ ete, Nɔ anditɔ eyeneka esie, man nnyin inyuŋ iwot enye ibaŋa uwem eyeneka esie emi enye okowotde; ndien nnyin iyenyuŋ isobo adia-akpa ŋko: ndien ntre ke mmɔ edinime ebok ikaŋ mi emi ɔsuhɔde, idinyuŋ isuhɔke enyiŋ ye nsuhɔ inɔ ebe mi ke iso isɔŋ.

1 NDIDEM 17:12

Ndien ŋwan ɔdɔhɔ, ete, Ma uwem Jehovah Abasi fo, nnyeneke uyo, ke mibɔhɔke ndomuyo ke abaŋ adaŋa nte owo ekemede ndiwobi ke eka-ubɔk, ye aran esisit ke ekpeme: ndien, sese, ami mmɔŋ ntataŋ ifia iba, man ŋka ŋkanam enye nnɔ idemmi ye eyen mi, man nnyin ita enye ndien ikpa.

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?

1 NDIDEM 17:23

Ndien Elijah emen eyen ke ubet enyɔŋ ɔsuhɔre ke ufɔk ada enye ɔnɔ eka esie. Ndien Elijah ɔdɔhɔ, ete, Sese, eyen fo ke odu uwem.

1 NDIDEM 17:9

Daha ke enyɔŋ ka ke Zarephath, emi enyenede Zidon, nyuŋ duŋ do: sese, mma nteme ŋwan kiet emi ebe esie akpade, nte ɔbɔk fi do.

2 NDIDEM 4:16

Ndien Elisha ɔdɔhɔ ete, Ke adaŋa ini ntem ke ebem afo edidek eyeneren. Ndien ŋwan ete, Ɔbɔŋ mi, owo Abasi, kubiaŋa ofin aŋwan fo.

2 NDIDEM 4:20

Ndien enye emen eyen ada ɔsɔk eka esie: ndien enye etie eka ke edɔŋ tutu osim ufɔt uweme-eyo, ndien akpa.

ŊWED JOB 29:13

Ekɔm owo eke oyomde nditak osim mi; ami nnyuŋ ndat ebe-akpa esit.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

LUKE 7:11

Edikem ke mibigike, Enye aka ke obio emi ekerede Nain, mbet Esie ye akwa otu owo enyuŋ esaŋa ye Enye eka.

LUKE 7:13

Ndien ke adaŋemi Ɔbɔŋ okutde ŋwan oro, atua enye mbɔm, onyuŋ ɔdɔhɔ enye ete, Kutua.

LUKE 8:42

koro enye enyenede ikpɔŋ-ikpɔŋ eyen-aŋwan, emi edide ŋkpɔ nte isua duopeba, ndien enye ke oyom ndikpa.

LUKE 8:52

Ndien kpukpru owo ke etuaŋa enyuŋ eseme eyen. Edi Jesus ɔdɔhɔ ete, Edop eyet; koro enye mikpaha mkpa, edi edede.

JOHN 11:19

ediwak mme Jew ema enyuŋ edi ke ɔtɔ Martha ye Mary ndidɔŋ mmɔ esit mbaŋa eyen-eka mmɔ.

UTOM MME APOSTLE 9:39

Ntem ke Peter adaha asaŋa ye mmɔ aka. Ndien ke adaŋemi enye osimde mmɔ, eda enye eduk ke ubet enyɔŋ; ndien kpukpru mme ebe-akpa eda ekpere okpo etua eyet, enyuŋ ewut ɔfɔŋidem ye edisine-ŋkpɔ emi Dorcas okokimde, ke ini enye odude ye mmɔ.

UTOM MME APOSTLE 9:41

Peter onyuŋ ɔnɔ enye ubɔk, emenere enye ke enyɔŋ; onyuŋ okot ikɔt Abasi ye mme ebe-akpa edi, ayak enye ɔnɔ mmɔ ye uwem.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.