LUKE 6:6 - Edisana ñwed Abasi Ibom

⁶ Edikem ke sabbath eŋwen, Enye oduk ke synagogue ekpep owo ŋkpɔ: ndien owo kiet emi ubɔk nnasia esie akpade odu do.

LUKE 6:6 ပူးပေါင်းရင်းမြစ်များ

1 NDIDEM 13:4

Edikem adaŋemi edidem okopde uyo owo Abasi oro okofioride okot itie-uwa ke Bethel, Jeroboam ada ke ŋkaŋ itie-uwa anyan ubɔk esie, ete, Mbufo emum enye. Ndien ubɔk esie emi enye anyande otuk enye eken, akpa, enye inyuŋ ikwe aba nte adade ubɔk adian ke idemesie.

ZECHARIAH 11:17

Osuk ɔdiɔk ɔnɔ obukpo ekpeme-ufene! ofut eyedoro enye ke ubɔk, ye ke enyin nnasia esie! Ubɔk esie eyekpa, eyenyuŋ etibi enye enyin nnasia.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

LUKE 13:10

Enye ke ekpep mmɔ ŋkpɔ ke synagogue kiet ke sabbath.

LUKE 14:3

Jesus ɔbɔrɔ mme ɔfiɔk-ibet ye mme Pharisee ete,

LUKE 4:16

Ekem Enye edi ke Nazareth, kpa ke ebiet emi ekebɔkde Enye: ndien nte ido Esie edide, Enye oduk ke synagogue ke usen sabbath, onyuŋ adaha ke enyɔŋ ndikot ŋwed.

LUKE 4:31

Ekem Enye ɔsuhɔre edi ke Capernaum, emi edide obio Galilee.

LUKE 6:1

EDIKEM ke sabbath kiet Enye asaŋa ebe ke iŋwaŋ ibokpot; ndien mbet Esie ke ekibi ibokpot, efiak ke ubɔk, eta.

LUKE 6:5

Enye onyuŋ ɔdɔhɔ mmɔ ete, Eyen Owo edi Ɔbɔŋ sabbath.

JOHN 5:3

Ata ediwak mbon udɔŋɔ, ye nnan, ye mbuŋɔ, ye mfumi, ena ke mme inua-otop oro.

JOHN 9:16

Mmɔdo ndusuk mme Pharisee edɔhɔ ete, Owo emi itoho Abasi, koro Enye minimke sabbath. Mmɔ efen ete, Owo emi edide anam-idiɔk ekeme didie ndinam oruk idiɔŋɔ eke etiede ntem? Ntre ke ubahare odu ke otu mmɔ.