LUKE 6:49 - Edisana ñwed Abasi Ibom

⁴⁹ Edi owo eke okopde ndien minamke ebiet owo emi owukde ufɔk esie ke enyɔŋ utan, emi itiat miduhe ke idak ufɔk: udiɔŋ-mmɔŋ edibere ufɔk oro ɔkpɔsɔŋ, ndien idaha oro enye ɔduɔ; ŋwure ufɔk oro onyuŋ okpon.

LUKE 6:49 ပူးပေါင်းရင်းမြစ်များ

MME ŊKE 28:18

Owo eke eneŋerede asaŋa eyenyene ifure: edi owo eke akwaŋade ke usuŋ iba eyeduɔ ke kiet.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

HOSEA 4:14

Ndinɔŋɔ nditɔ-iban mbufo ufen, koro mmɔ enamde use, ndinyuŋ nnɔŋɔ iban mbufo ufen, koro mmɔ esinde efibe: koro mmɔ ke idem-mmɔ ewahade etiene mme akpara, enyuŋ ewade uwa ye iban use: ndien mbio emi enanade ibuot eyetak.

MATTHEW 23:3

mmɔdo mbufo enam enyuŋ enim kpukpru ŋkpɔ eke mmɔ etemede mbufo: edi ekunam nte mmɔ enamde; koro mmɔ edɔhɔ, edi inamke nam.

MATTHEW 24:10

Ekem ediwak owo eyeduɔ, eyenyuŋ eda kiet eken enɔ, eyeyuŋ esua kiet eken.

MARK 4:17

edi mmɔ inyeneke oruŋ ke idemmɔ, edi ebigi ke ini esisit; ndien ke ini ukut mme isin-enyin otibede kabaŋa ikɔ idaha oro eduɔ.

LUKE 12:47

Edi ofin emi ɔkɔfiɔkde mbet ete esie, ndien mibeŋeke idem, minyuŋ inamke nte uduak esie etemede, eyemia enye ediwak ubɔk ikpa; edi enye emi mifiɔkke,

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

LUKE 6:46

Nsinam mbufo ekotde Mi ete, Ɔbɔŋ, Ɔbɔŋ, ndien minamke se ndɔhɔde?

LUKE 6:48

Enye ebiet andibɔp ufɔk, emi otibide isɔŋ ɔtuŋɔ, onyuŋ owukde ukot ufɔk ke itiat: ndien ke ini ukwɔ edide, udiɔŋ-mmɔŋ edibere ufɔk oro ɔkpɔsɔŋ, edi ikemeke ndiyeŋe enye, koro eketimde ebɔp enye.

LUKE 7:1

KE Enye ama eketiŋ kpukpru ikɔ Esie ama ɔnɔ mbio-obio ekop, Enye oduk ke Capernaum.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

UTOM MME APOSTLE 20:29

Mmɔfiɔk nte ke mma nnyɔŋ, mme idiɔk unam eyeduk ke otu mbufo, idiyuŋ ituaha otu erɔŋ mbɔm;

UTOM MME APOSTLE 26:11

Ŋwak ŋko ndinɔ mmɔ ufen ke kpukpru mme synagogue, nnyuŋ ŋwana ndinam mmɔ esuŋi Jesus; ndien ke eridama eke ndamade ye mmɔ, nsin mmɔ enyin tutu nsim mme obio mme idut.

1 ŊWED THESSALONICA 3:5

Ke ntak emi ami ŋko ŋkekemeke ndime ime aba, nsio owo ndɔŋ, man mfiɔk mbaŋa mbuɔtidem mbufo, mbak ke usuŋ ekededi andidomo ama odomo mbufo, okpɔsɔŋ utom nnyin okponyuŋ ɔwɔrɔ ikpikpu.

2 PETER 2:20

Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.