LUKE 6:47 - Edisana ñwed Abasi Ibom

⁴⁷ Owo ekededi eke etienede Mi, onyuŋ okopde ikɔ Mi, onyuŋ anmde mmɔ, nyewut mbufo oruk owo eke enye ebietde.

LUKE 6:47 ပူးပေါင်းရင်းမြစ်များ

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

LUKE 14:26

Edieke owo etienede Mi, ndien misuaha ete esie, ye eka esie, ye ŋwan esie, ye nditɔ esie, ye nditɔ-eka esie iren, ye nditɔ-eka esie iban, ye uwem esie ŋko, enye ikemeke ndidi owo mbet Mi.

LUKE 6:48

Enye ebiet andibɔp ufɔk, emi otibide isɔŋ ɔtuŋɔ, onyuŋ owukde ukot ufɔk ke itiat: ndien ke ini ukwɔ edide, udiɔŋ-mmɔŋ edibere ufɔk oro ɔkpɔsɔŋ, edi ikemeke ndiyeŋe enye, koro eketimde ebɔp enye.

LUKE 8:13

Mmɔ oro ke enyɔŋ itiat edi mmɔ emi ekopde ikɔ enyuŋ ebɔde ke idaresit; edi mmɔ inyeneke oruŋ, ntre ke mmɔ enim ke akpanikɔ ke ini esisit, enyuŋ efiak edem ke ini idomo.

LUKE 8:8

Mmɔ eken enyuŋ eduɔŋɔ ke eti isɔŋ, etibe, enyuŋ eŋwum mfri utim ikikie. Nte Enye etiŋde ŋkpɔ emi, Enye ofiori ete, Owo eke enyenede utɔŋ ndikop, yak okop.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

JOHN 14:15

Mbufo ema ema Mi, eyenim mbet Mi.

JOHN 5:40

Ndien mbufo inyimeke nditiene Mi, man enyene uwem.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 8:52

Mme Jew ete Enye, Ke emi nnyin imɔfiɔk ite idat ke anam Fi. Abraham ama akpa ye mme prophet; edi Afo ete, Edieke owo onimde ikɔ Mi, enye iditabike mkpa ke nsinsi.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

2 PETER 1:10

Ntre nditɔ-ete, edɔdiɔŋ esin ifik enam ikot eke ekekotde mbufo ye erimek eke emekde mbufo ɔsɔŋɔ ada: koro edieke mbufo enamde mme ŋkpɔ emi mbufo idikɔmɔke iduɔ;

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.