LUKE 6:45 - Edisana ñwed Abasi Ibom

⁴⁵ Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

LUKE 6:45 ပူးပေါင်းရင်းမြစ်များ

ŊWED MME PSALM 140:5

Mbon iseri emedip afai ye uruk enɔ mi; emekɔbi mukanda ke mben usuŋ; emekɔk mfine esin enɔ mi.

ŊWED MME PSALM 59:12

Ndudue inua mmɔ edi ikɔ mkpɔk-inua mmɔ: ndien eyeda mmɔ ke iseri mmɔ: ndien isuŋi ye nsu emi mmɔ esude, esin.

ŊWED MME PSALM 59:7

Sese, mmɔ ebehe ibehe ke inua mmɔ: ofut edu mmɔ ke mkpɔk-inua: ete, “Koro anie owo okop”?

MME ŊKE 12:18

Enyene mmɔ eke ekeŋde inua nte ofut okimde: edi edeme mbon eti ibuot ɔkɔk unan.

MME ŊKE 15:23

Owo enyene inemesit ke ibɔrɔ inua esie: ndien ikɔ ke ekem ini nsifɔn ntem?

MME ŊKE 4:23

Tim kpeme esit fo kan kpukpru se ekpemede; koro uwem otode enye.

JOHN 7:38

Owo eke ɔbuɔtde idem ye Ami, nte Ŋwed Abasi ɔdɔhɔde, akpa odu-uwem mmɔŋ eyeto enye ke idem ɔwɔrɔ.

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

ŊWED MBON EPHESUS 5:19

Eda psalm ye hymn ye ikwɔ spirit eneme nneme ye kiet eken, ekwɔ enyuŋ enam edinem uyom ke esit mbufo enɔ Ɔbɔŋ.

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

JUDE 1:15

Ndikpe ikpe ye kpukpru owo, ndinyuŋ mbiom kpukpru mmɔ emi mibakke Enye ikpe Mbaŋa kpukpru mbukpo ido eke mmɔ enamde, Ye kpukpru mkpɔsɔŋ ikɔ eke mmɔ emi mibakke Enye eketiŋde edian Enye.