LUKE 6:41 - Edisana ñwed Abasi Ibom

⁴¹ Edi nsinam afo esede ekpri mbio eke odude ke enyin eyen-ete fo, edi mukereke obukpɔk oro odude fi ke enyin?

LUKE 6:41 ပူးပေါင်းရင်းမြစ်များ

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

1 CHRONICLES 21:6

Edi enye ibatke Levi ye Benjamin isin ke otu mmɔ: koro Joab mimaŋa uyo edidem.

ŊWED MME PSALM 36:2

Koro enye abiaŋade idem esie ke enyin esiemɔ, abaŋa erikut ye erisua idiɔk ido esie.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

EZEKIEL 18:28

Koro enye abakde, onyuŋ ɔkpɔŋde kpukpru mme idiɔk ido esie eke enye akanamde, afiak, enye iditreke ndidu uwem, idikpaha.

MATTHEW 7:1

EKUSIOŊO owo ndo, mbak edisioŋo mbufo ndo.

MARK 8:7

Mmɔ enyuŋ enyene ndusuk ŋkpri iyak: ndien ke ini Enye ama ɔdiɔŋ mmɔ, Enye ɔdɔhɔ ete, enim mmɔ emi ŋko ke iso mbio-obio.

LUKE 6:40

Eyen ukpep-ŋkpɔ ikanke andikpep enye: edi kpukpru eyen ukpep-ŋkpɔ eyetie nte andikpep enye ke ini etimde ekpep enye ŋkpɔ ema.

LUKE 6:42

Edikeme didie ndidɔhɔ eyen-ete fo ete, Eyen-ete mi, yak nsio fi ekpri mbio ke enyin, ke adaŋemi afo ke idemfo mukwe obukpɔk eke odude fi ke enyin? Afo mbubik! bem iso sio obukpɔk oro odude ke enyin fo fep, ndien eyetim okut usuŋ nte asaŋade osio ekpri mbio ke enyin eyen-ete fo efep.

JOHN 8:7

Edi ke ini mmɔ eyirede ebup Enye, Enye eneŋere etie, onyuŋ ɔdɔhɔ mmɔ ete, Yak owo ke otu mbufo emi ananade idiɔk-ŋkpɔ ebem iso emen itiat ɔtɔ enye.

ŊWED MBON ROME 2:1

MMƆDO, O owo ekededi eke ekpede ikpe ɔnɔ owo, afo unyeneke se etiŋde anyaŋa idem; koro ke erikpe emi ekpede owo efen oro ke obobiom idem fo; koro afo emi ekpede ikpe anamde kpa ŋkpɔ oro.

JAMES 1:24

koro enye esede idem esie, adaha onyuŋ efre oruk owo eke enye edide kpa idaha oro.