LUKE 6:35 - Edisana ñwed Abasi Ibom

³⁵ Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

LUKE 6:35 ပူးပေါင်းရင်းမြစ်များ

ŊWED MME PSALM 112:5

Ɔfɔfɔn ye owo eke ɔfɔnde ido, onyuŋ ɔnɔde ebuɔt: enye eyekama ŋkpɔ esie nte enende.

ŊWED MME PSALM 145:9

Jehovah ɔfɔfɔn ye kpukpru: esit mbɔm esie onyuŋ ofuk kpukpru se enye anamde.

ŊWED MME PSALM 37:26

Kpu-kpru ini enye atua owo mbɔm, onyuŋ ɔnɔ ke ebuɔt; ndien ɔfɔn ɔnɔ ubon esie.

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

MARK 5:7

onyuŋ ofiori ke okpɔsɔŋ uyo ete, Nsaŋa nso ye Afo, Jesus, Eyen Abasi Ibom? Mmɔsɔŋɔ ŋwuk Fi ke enyiŋ Abasi, nte, Kutuhɔre mi.

LUKE 1:32

Enye eyekpon, eyenyuŋ ekere Eyen Andikoŋ-ŋkan; Jehovah Abasi eyenyuŋ ɔnɔ Enye ebekpo ete Esie David:

LUKE 6:36

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo,

JOHN 13:35

Mbufo ema ema kiet eken, kpukpru owo eyeda oro efiɔk ete mbufo edi mbet Mi.

JOHN 15:8

Ete Mi ada ubɔŋ ke eriŋwum emi mbufo eŋwumde mfri ekese: ntem ke mbufo edidi mbet Mi.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

2 ŊWED TIMOTHY 3:2

Koro mme owo eyedi mme ama idem, ye mme ama inyene; enyuŋ ebure idiɔk mbure, eseri iseri, esuŋi isuŋi, esɔŋ ibuot ye ete ye eka, enana esit ekɔm, enana uteŋe Abasi,