LUKE 6:30 - Edisana ñwed Abasi Ibom

³⁰ Nɔ kpukpru owo eke ebeŋede fi ŋkpɔ, owo eke onyuŋ ɔbɔde fi ŋkpɔ, kubup enye ɔtɔŋɔ ntak ɔnɔ fi.

LUKE 6:30 ပူးပေါင်းရင်းမြစ်များ

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

ŊWED MME PSALM 41:1

ƆFƆFƆN ɔnɔ owo eke otimde ndinam ye eyen ubuene: Jehovah eyenam enye ɔbɔhɔ ke usen nnanenyin.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 21:26

Itɔŋ ɔdɔŋ enye ofuri usen: edi eti owo ɔnɔ, inyuŋ isinke.

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

ECCLESIASTES 11:2

Da ubak nɔ itiaba, nɔ itiaita ŋko: koro afo mufiɔkke idiɔk-ŋkpɔ eke edidude ke ererimbot.

ECCLESIASTES 8:16

Ke adaŋemi nnimde ibuot mi ke ndifiɔk mbufiɔk, ndinyuŋ ŋkut utom eke enamde ke ererimbot: koro owo minyuŋ idehe idap ke enyin esie, ke uwemeyo ye ke okoneyo:

MATTHEW 18:35

Kpasuk ntre ke Ete Mi ke heaven edinam ye mbufo, ke mbufo kiet kiet mifenke eyen-ete mbufo ke ofuri esit.

MATTHEW 5:39

Edi Ami ndɔhɔ mbufo nte, Ekuŋwana ye anam-idiɔk: edi owo ama oyibi fi ke mfuk nnasia, kabare mfuk eken nɔ enye.

MATTHEW 6:12

Nyuŋ dahado ke isɔn eke ikamade Fi, nte emi nnyin ikadahadedo inɔ mmɔ emi ekamade nnyin isɔn;

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 6:29

Owo ama oyibi fi ke mfuk kiet, kabare eken nde nɔ enye: owo ama onyuŋ ɔbɔ fi ekura fo, kusin ndinɔ enye ekpri ɔfɔŋidem fo nde.

LUKE 6:31

Nte mbufo eyomde owo enam ye mbufo, enam kpa ntre ye mmɔ.

LUKE 6:38

Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

UTOM MME APOSTLE 20:35

Ke kpukpru ŋkpɔ ŋkɔnɔ mbufo uwut-ŋkpɔ, man mbufo enam utom ntem eŋwam mbio mmem-idem, enyuŋ eti ikɔ Ɔbɔŋ Jesus, emi Enye ɔdɔhɔde ete, Ɔfɔn ndinɔ akan ndibɔ.

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.