LUKE 6:27 - Edisana ñwed Abasi Ibom

²⁷ Edi ndɔhɔ mbufo emi ekopde ikɔ Mi, nte, Ema mme asua mbufo, enyuŋ enam ufɔn enɔ mmɔ eke esuade mbufo, enyuŋ ediɔŋ mmɔ eke esuŋide mbufo,

LUKE 6:27 ပူးပေါင်းရင်းမြစ်များ

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

ŊWED MME PSALM 7:4

edieke ndade idiɔk nsio usiene nnɔ ufan mi; nnyuŋ mbumede owo eke otukde mi ke ikpikpu:

MME ŊKE 24:17

Esit okunem fi ke usua fo ɔduɔde; kunyuŋ udara ke ini enye atuahade ukot:

MME ŊKE 25:2

Ndidip ŋkpɔ edi ubɔŋ Abasi: edi ndiyarare ŋkpɔ edi ubɔŋ edidem.

MARK 4:24

Enye onyuŋ ɔdɔhɔ mmɔ ete, Etiŋ enyin ekpeme se mbufo ekopde. Udomo eke mbufo edade edomo enɔ owo, ke eyeda edomo enɔ mbufo, eyenyuŋ ekɔrɔ enɔ mbufo.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

LUKE 8:18

Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

LUKE 8:8

Mmɔ eken enyuŋ eduɔŋɔ ke eti isɔŋ, etibe, enyuŋ eŋwum mfri utim ikikie. Nte Enye etiŋde ŋkpɔ emi, Enye ofiori ete, Owo eke enyenede utɔŋ ndikop, yak okop.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 16:28

Edi Paul ofiori ke ɔkpɔsɔŋ uyo ete, Kunam idem fo idiɔk: koro nnyin kpukpru mi.

UTOM MME APOSTLE 7:60

Enye onyuŋ ɔtɔnɔ edɔŋ, ofiori ke ɔkpɔsɔŋ uyo ete, Ɔbɔŋ, kuda idiɔk-ŋkpɔ emi udori mmɔ. Ndien ke ama eketiŋ ntre, enye ede.

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

1 ŊWED THESSALONICA 5:15

Ekpeme ekuyak owo ada idiɔk osio owo usiene idiɔk; edi kpukpru ini ebine se ifɔnde, owo anam ntre ye kiet eken, onyuŋ anam ntre ye kpukpru owo.

3 JOHN 1:11

Edima, kukpebe se idiɔkde, edi kpebe se ifɔnde. Owo eke anamde se ifɔnde edi owo Abasi; owo eke anamde se idiɔkde ikekwe Abasi.