LUKE 6:23 - Edisana ñwed Abasi Ibom

²³ Edara ke usen oro, enyuŋ efrɔ ke idaresit: koro, sese, utip mbufo ke heaven omokpon; koro mme ete mmɔ ekenam kpasuk ntre ye mme prophet.

LUKE 6:23 ပူးပေါင်းရင်းမြစ်များ

2 SAMUEL 6:16

Ekem nte ekebe Jehovah odukde ke obio David, Michal eyen Saul aŋwan etie ke window ese, ndien enye okut David edidem nte ɔyɔrɔde enek ke iso Jehovah: ndien ese enye ke ndek ke esit esie.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 19:10

Elijah? Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emewuri mme itie-uwa fo, eme-nyuŋ ewot mme prophet fo ke ofut; ndien ami nsuk ikpɔŋ ke idem mi; ndien mmɔ ke enyuŋ eyom uwem mi ndibɔ.

1 NDIDEM 19:14

Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emenyuŋ ewuri mme itie-uwa fo, enyuŋ ewot mme prophet fo ke iso ofut; ndien ami nsuk ikpɔŋ ke idem mi: ndien mmɔ ke eyom uwem mi ndibɔ.

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 NDIDEM 22:27

nyuŋ dɔhɔ ete, Ntem ke edidem ɔdɔhɔ ete, Mbufo esin owo emi ke ufɔk ukwak, enyuŋ eda uyo ukut, ye mmɔŋ ukut ebɔk enye, tutu ami ndi ke ifure.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

2 NDIDEM 6:31

Yak Abasi anam mi ntem, onyuŋ anam aka iso, edieke ibuot Elisha eyen Shaphat edisuk adade enye ke idem mfin emi.

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

ISAIAH 35:6

Ndien mbuŋɔ eyenek nte edop, edeme imum eyenyuŋ ɔkwɔ: koro mmɔŋ asiahade ke wilderness, idim ŋko ke desert.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 5:12

Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

LUKE 1:41

Edikem, ke ini Elisabeth okopde ekɔm Mary, eyen ɔfrɔ ke idibi esie; ndien Elizabeth ɔyɔhɔ ye Edisana Spirit,

LUKE 1:44

Koro sese, uyo ekɔm fo okododuk mi utɔŋ, eyen ɔfrɔ mi ke idibi ɔnɔ idaresit.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

UTOM MME APOSTLE 14:10

onyuŋ ɔdɔhɔ enye ke ɔkpɔsɔŋ uyo ete, Daha ke enyɔŋ, neŋere da ke ukot. Ndien enye obumere adaha ke enyɔŋ, asaŋa.

UTOM MME APOSTLE 3:8

Enye onyuŋ obumere adaha ke enyɔŋ, adada, onyuŋ ɔtɔŋɔ ndisaŋa: onyuŋ etiene mmɔ oduk ke temple, asaŋa onyuŋ ɔfrɔ, onyuŋ otoro Abasi.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

ŊWED MBON ROME 5:3

Akan oro, edi nnyin imobure mbure ke ukut nnyin ŋko, sia ifiɔkde ite ukut ɔwɔrɔ ime;

2 ŊWED CORINTH 12:10

Mmɔdo mmadara ke mmem-idem, ye esuene, ye afanikɔŋ, ye isin-enyin, ye mbaba, kabaŋa Christ; koro ke adaŋemi idem ememde mi, adaŋoro ke ntim nnyene nsɔŋ-idem.

ŊWED MBON COLOSSAE 1:24

Ke emi mmedat esit ke ndutuhɔ eke ŋkutde kabaŋa mbufo, nnyuŋ nnam se isuhɔde ke ukut Christ ɔyɔhɔ ke obukidem mi, man ɔfɔn ye idem Esie, oro edi ufɔk Abasi:

2 ŊWED TIMOTHY 2:12

Edieke imede ime, iyeda ubɔŋ ye Enye; Edieke ikaŋde Enye, Enye eyekaŋ nnyin;

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

MME HEBREW 11:6

edi ke mbuɔtidem miduhe, owo ikemeke ndinem Abasi esit; koro owo eke asaŋade ekpere Abasi enyene ndinim ete Enye odudu, onyuŋ edi Andinɔ mmɔ emi eyomde Enye utip.

JAMES 1:2

Enim ete edi ŋkpɔ ɔyɔhɔ idaresit, nditɔ-ete mi, ke ini nsio-nsio idomo esimde mbufo;

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.

ERIYARARE 2:26

Owo eke akande, onyuŋ anamde mme utom Mi tutu osim utit,

ERIYARARE 2:7

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyenɔ enye ndidia mfri eto uwem, emi odude ke Paradise Abasi.

ERIYARARE 21:7

Owo eke akande eyeda ŋkpɔ emi enyene; ndien nyedi Abasi esie; enye eyenyuŋ edi eyen Mi.

ERIYARARE 3:12

Owo eke akande, nyenam enye edi adaha ke temple Abasi Mi, ndien enye idiwɔrɔke do aba; nyenyuŋ ŋwet enye enyiŋ Abasi Mi ke idem, ye enyiŋ Obio Abasi Mi, kpa obufa Jerusalem, emi otode Abasi Mi ɔsuhɔre ke heaven edi, ye obufa enyiŋ Idem Mi.

ERIYARARE 3:5

Owo eke akande, eyesine enye afia ɔfɔŋidem ntem; ndien ndisioho enyiŋ esie mfep ke ŋwed uwem, ndien nyenyime enyiŋ esie ke iso Ete Mi ye ke iso mme angel Esie.