LUKE 6:20 - Edisana ñwed Abasi Ibom

²⁰ Ndien Enye emenere enyin ese mbet Esie, onyuŋ ɔdɔhɔ ete, Mi Ɔfɔfɔn ɔnɔ mbufo, nditɔ ubuene, koro Obio Ubɔŋ Abasi enyene mbufo.

LUKE 6:20 ပူးပေါင်းရင်းမြစ်များ

ŊWED MME PSALM 37:16

Ekpri ŋkpɔ eti owo ɔfɔn akan inyene ediwak mme idiɔk owo.

MME ŊKE 16:19

Ɔfɔfɔn ndisuk esit ye mbon ukut, ŋkan ndideme mbume ye mbon iseri.

MME ŊKE 19:1

UBUENE eke asaŋade ke mfɔn-mma esie, ɔfɔn akan owo ŋkwaŋa inua eke edide ndisime.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ZEPHANIAH 3:12

Nyenyuŋ nsuhɔ mbio unana ye nditɔ ubuene ke ufɔt mbufo, ndien mmɔ eyebuɔt idem ke enyiŋ Jehovah.

ZECHARIAH 11:11

Ntem ke enye abiara ke usen oro: ndien ntem ke mme ubuene otu ufene emi esede mi, edifiɔk ete ke enye edi uyo Jehovah.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 5:1

EKEM ke adaŋemi Enye okutde mme otu owo, Enye ɔdɔk ke akamba obot; ndien ke Enye ama ɔkɔsuhɔre etie, mbet Esie etiene Enye:

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

LUKE 13:28

Do ke eritua eyet ye erita edet eyedu, ke ini mbufo edikutde Abraham ye Isaac ye Jacob, ye kpukpru mme prophet ke Obio Ubɔŋ Abasi, ndien edisiode mbufo ke idem mbufo eduɔk ke aŋwa.

LUKE 14:15

Edi kini owo kiet eke etiede ke itie-udia ye Enye okopde mme ikɔ emi, enye ete, Ɔfɔnfɔn ɔnɔ owo emi edidiade ŋkpɔ ke Obio Ubɔŋ Abasi.

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

2 ŊWED CORINTH 6:10

edi idu ke idaresit kpukpru ini; ete, enye edi idem-idem owo, edi ke inanam ediwak owo ekabare mbon inyene; ete, enye inyeneke baba ŋkpɔ kiet, edi imenyene kpukpru ŋkpɔ.

2 ŊWED CORINTH 8:2

ete, ke akwa ukut eke odomode mmɔ, uwak-ŋkan idaresit mmɔ ye ɔkpɔsɔŋ unana mmɔ akanam akwa ntarubɔk mmɔ owut idem uwak-uwak

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

1 ŊWED THESSALONICA 1:6

Mbufo ema enyuŋ ekabare edi mme andikpebe nnyin ye mme andikpebe Ɔbɔŋ, enyuŋ ebɔ ikɔ Abasi ye idat esit Edisana Spirit ke ufɔt ɔkpɔsɔŋ ukut;

2 ŊWED THESSALONICA 1:5

emi edide iŋwaŋ-iŋwaŋ idiɔŋɔ edinen ikpe Abasi; man ebat ete mbufo emedot ndiduk ke Obio Ubɔŋ Abasi, emi ekutde ndutuhɔ ebaŋa enye;

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.

1 SAMUEL 2:8

Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.