LUKE 6:12 - Edisana ñwed Abasi Ibom

¹² Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

LUKE 6:12 ပူးပေါင်းရင်းမြစ်များ

ŊWED MME PSALM 22:2

O Abasi mi, nseme ke uwemeyo, ndien afo uyereke; nseme ke okoneyo, ndien idige nte ndopde uyo.

ISAIAH 26:9

Afo ɔdɔŋ mi ke ukpɔŋ ke okoneyo; nyeda spirit mi ŋko emi odude mi ke esit mbak nyom fi: koro mme andiduŋ ererimbot ekpekpep se inende, ke ini mme ikpe fo enamde ekondo.

DANIEL 6:10

Ekem ke adaŋemi Daniel ɔfiɔkde ete ke emesin enyiŋ ke ŋwed, enye oduk ke ufɔk esie, ekeberere window ubet enyɔŋ esie ke edem emi esede Jerusalem; ndien enye ɔtɔŋɔ edɔŋ esie utim ikata ke usen, onyuŋ ɔbɔŋ akam, onyuŋ ɔnɔ ekɔm ke iso Abasi esie kpasuk nte enye akam esinamde.

MATTHEW 5:1

EKEM ke adaŋemi Enye okutde mme otu owo, Enye ɔdɔk ke akamba obot; ndien ke Enye ama ɔkɔsuhɔre etie, mbet Esie etiene Enye:

MATTHEW 6:6

Edi ama edi afo, ke ini ɔbɔŋde akam, duk ke esit ubet fo, beri usuŋ, bɔŋ akam nɔ Ete fo emi odude ke ndibe, ndien Ete fo emi okutde ke ndibe eyenɔ fi usiene.

MARK 1:35

Ekem ke ŋkim-ŋwaŋa usen-ubɔk, Enye adaha ke enyɔŋ ɔwɔrɔ aka ke ebiet desert, onyuŋ ɔbɔŋ akam do.

MARK 3:13

Ekem Jesus ɔdɔk ke obot, onyuŋ okot mmɔ emi Enye oyomde, ndien mmɔ edi.

MARK 6:46

Ekem ke Enye ama ɔkɔkpɔŋ mmɔ, Enye adaha aka ke akamba obot ndibɔŋ akam

LUKE 5:16

Edi Enye ɔkpɔŋ mmɔ aka ke desert ikpɔŋ onyuŋ ɔbɔŋ akam.

LUKE 6:11

Edi esit ofut mmɔ eti-eti; mmɔ enyuŋ eneme ye kiet eken ebaŋa se ekpanamde Jesus.

LUKE 6:17

Ekem Enye asaŋa ye mmɔ ɔsuhɔre edida ke una-isɔŋ; akwa otu mbet Esie, ye ata ediwak owo enyuŋ edu ye mmɔ; emi etode ke ofuri Judaea ye Jerusalem, ye mben inyaŋ Tyre ye Sidon, emi ekedide ndikop ikɔ Esie, man Enye onyuŋ anam udɔŋɔ okure mmɔ;

LUKE 9:18

Edikem nte Enye ɔbɔŋde akam ikpɔŋ, mbet Esie edu ye Enye: ndien Enye obup mmɔ ete, Mme otu owo edɔhɔ ete Ami ndi anie?

LUKE 9:28

Edikem ke ini ekperede ndiyɔhɔ usen itiaita nte Enye eketiŋde ikɔ emi, Enye ada Peter, ye John, ye James, ɔdɔk ke akwa obot ndibɔŋ akam.

LUKE 9:29

Ekem nte Enye ɔbɔŋde akam, iso Esie ɔkpuhɔre, edisine-ŋkpɔ Esie onyuŋ akabare afia, esem oduk owo ke enyin.

JOHN 6:3

Edi Jesus ɔdɔk ke akamba obot eketie do ye mbet Esie.

ŊWED MBON COLOSSAE 4:2

Eyire ke akam; eda ekɔm etiŋ enyin ndinam ntre.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.