LUKE 5:32 - Edisana ñwed Abasi Ibom

³² Ŋkedige ndikot ndinen owo, edi ŋkedi ndikot mme idiɔk owo, nte ekabare esit.

LUKE 5:32 ပူးပေါင်းရင်းမြစ်များ

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

MARK 15:10

Koro enye ɔfiɔk ete ikpɔ oku ekayak Jesus esin imɔ ke ubɔk ke ntak ufup.

MARK 15:7

Ndien owo kiet emi ekerede Barabbas ke ana ke ebuka ye mmɔ emi ekesinde ndutime ke obio, kpa mbon emi ekowotde owo ke ndutime oro.

MARK 2:17

Edi ke adaŋemi Jesus okopde, Enye ete mmɔ, Mmɔ emi enyenede nsɔŋidem iyomke abia-ibɔk, edi mmɔ emi edɔŋɔde eyom: ŋkedige ndikot ndinen owo, edi mme idiɔk owo.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

LUKE 15:7

Ndɔhɔ mbufo nte, Kpasuk ntre ke idara edidu ke heaven abaŋa idiɔk owo kiet emi akabarede esit, akan nti owo anaŋ ye efurenaŋ, emi minyeneke se ekabarede esit ebaŋa.

LUKE 19:10

Koro Eyen Owo ekedi ndiyom ndinyuŋ nnyaŋa se isopde.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

LUKE 5:31

Edi Jesus ɔbɔrɔ mmɔ ete, Mmɔ emi enyenede nsɔŋidem iyomke abia-ibɔk; edi mmɔ emi edɔŋɔde eyom.

LUKE 5:33

Mmɔ enyuŋ edɔhɔ Enye ete, Mbet John ewak nditre udia, enyuŋ enam mkpe-ubɔk; ye mbet mme Pharisee ŋko; edi mbet Fo edia enyuŋ eŋwɔŋ ŋkpɔ.

UTOM MME APOSTLE 17:30

Abasi ofumi ini ndisime oro; edi ke emi Enye owuk kpukpru owo ke kpukpru ebiet, ete mmɔ ekabare esit:

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 20:21

nnyuŋ ŋkpep mbufo ke ufɔk ke ufɔk, ŋkwɔrɔ nnɔ mme Jew ye mme Greek, nte mmɔ ekabare esit etiene Abasi, enyuŋ ebuɔt idem ye Ɔbɔŋ nnyin Jesus Christ.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

UTOM MME APOSTLE 3:26

Sia Abasi ama akanam Owo Esie adaha ada, Enye ebem iso ɔdɔŋ Enye ete edidiɔŋ mbufo, ke erinam mbufo kpukpru ewɔŋɔre ekpɔŋ mme idiɔk-ŋkpɔ mbufo.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.