LUKE 5:24 - Edisana ñwed Abasi Ibom

²⁴ Edi man mbufo efiɔk ete Eyen Owo enyene odudu ke isɔŋ ndifen mme idiɔk ŋkpɔ (Enye ɔdɔhɔ ɔdɔŋɔ-akpa-ubeŋ ete), Ndɔhɔ fi nte, Daha ke enyɔŋ, men mbri fo, nyɔŋ ufɔk.

LUKE 5:24 ပူးပေါင်းရင်းမြစ်များ

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

MATTHEW 16:13

Edi ke ini Jesus edide ke ŋkaŋ Caesarea Philippi, Enye obup mbet Esie ete, Mme owo edɔhɔ ete Eyen Owo edi anie?

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MATTHEW 9:6

Edi man mbufo efiɔk ete, Eyen Owo enyene odudu ke isɔŋ ndifen mme idiɔk-ŋkpɔ (Enye ɔdɔhɔ ɔdɔŋɔ-akpa-ubeŋ, ete), Daha ke enyɔŋ men mbri fo, nyɔŋ ufɔk.

LUKE 5:13

Do Enye anyanare ubɔk otuk enye, ete,Mmonyime, sana; ndien ndo-ndo oro akpa-mfia ɔkpɔŋ enye.

LUKE 5:18

Ndien sese, mme owo ebiom ɔdɔŋɔ-akpa-ubeŋ kiet ke mbri edi: mmɔ enyuŋ eyom ndida enye nduk ndinim ke iso Jesus.

LUKE 5:23

Ewe emem akan, mme ndidɔhɔ ete, Emefen mme idiɔk ŋkpɔ fo? mme ndidɔhɔ ete, Daha ke enyɔŋ, saŋa?

LUKE 7:14

Enye onyuŋ asaŋa ekpere otuk ubiom-okpo: ndien mme andibiom etuak eda. Enye ete, Akparawa, ndɔhɔ fi nte Daha ke enyɔŋ.

LUKE 8:54

Edi Jesus omum enye ke ubɔk, okot enye ete, Enyen-aŋwan, daha ke enyɔŋ.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

JOHN 3:13

Ndien baba owo kiet ikɔdɔkke ikoduk ke heaven, ke mibɔhɔke Enye emi okotode ke heaven ɔsuhɔre edi, kpa Eyen Owo emi odude ke heaven.

JOHN 5:27

Enye omonyuŋ ɔnɔ Eyen odudu ndidi ebierikpe, koro Enye edide Eyen Owo.

UTOM MME APOSTLE 14:10

onyuŋ ɔdɔhɔ enye ke ɔkpɔsɔŋ uyo ete, Daha ke enyɔŋ, neŋere da ke ukot. Ndien enye obumere adaha ke enyɔŋ, asaŋa.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

UTOM MME APOSTLE 9:34

Ndien Peter ɔdɔhɔ enye ete, Aeneas, Jesus Christ anam udɔŋɔ fo okure; daha ke enyɔŋ, tim mkpana fo.

UTOM MME APOSTLE 9:40

Edi Peter anam kpukpru mmɔ ewɔŋɔ, onyuŋ ɔtɔŋɔ edɔŋ, ɔbɔŋ akam; ndien akabare ese okpo, ete, Tabitha, daha ke enyɔŋ. Enye atat enyin esie; ndien ke ini enye okutde Peter, enye adaha etetie.

ERIYARARE 1:13

nnyuŋ ŋkut ke ufɔt udiɔk-utuenikaŋ oro Kiet, emi ebietde eyen owo, emi esinede ɔfɔŋidem emi ɔduɔde osim ukot, onyuŋ ɔbɔbɔde mbɔbɔ o-gold ke ikpanesit.