LUKE 5:17 - Edisana ñwed Abasi Ibom

¹⁷ Ekem ke usen kiet, nte Enye ekpepde owo ŋkpɔ, mme Pharisee ye mme ekpep-ibet, emi ekotode ke kpukpru obio-iŋwaŋ Galilee ye Judaea, ye ke Jerusalem, enyuŋ etie do: odudu Jehovah onyuŋ odu ye Enye ndinam udɔŋɔ okure.

LUKE 5:17 ပူးပေါင်းရင်းမြစ်များ

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 15:1

EKEM mme Pharisee ye mme scribe eto ke Jerusalem etiene Jesus, ete,

MARK 1:45

Edi enye ɔwɔrɔ ɔtɔŋɔ nditaŋa ŋkpɔ emi eti-eti, ndinyuŋ nsuan ikɔ emi, tutu Jesus ikemeke aba ndiduk ke obio aŋwa-aŋwa, edi odu ke edem ke ebiet desert: ndien mmɔ eto ke kpukpru edem etiene Enye.

MARK 16:18

eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

MARK 3:22

Ndien mme scribe emi etode ke Jerusalem esuhɔre edi, edɔhɔ ete, Enye enyene Beelzebub, ŋko, Enye ada ɔbɔŋ mme demon ebin mme demon ɔduɔk.

MARK 5:30

Idaha oro, ke ini Jesus ɔfiɔkde ke Idem Esie ete odudu okoto Imɔ ke idem ɔwɔrɔ, Enye ɔwɔŋɔre ke ufɔt otu owo, ete, Anie owo okotuk ɔfɔŋidem Mi?

MARK 7:1

EKEM mme Pharisee ye ndusuk mme scribe, emi ekotode ke Jerusalem, esop idem etiene Enye;

LUKE 15:2

Ndien mme Pharisee ye mme scribe esuk uyo ete, Owo emi adadara mme idiɔk owo, onyuŋ adia ŋkpɔ ye mmɔ.

LUKE 2:46

Edikem ke usen ita ema ekebe, mmɔ ekut Enye ke temple, nte etiede ke ufɔt mme andikpep, akpaŋ utɔŋ okop se mmɔ etiŋde, onyuŋ obup mmɔ mbume:

LUKE 5:21

Edi mme scribe ye mme Pharisee etɔŋɔ ndineni, ete, Anie edi enye emi osuŋide Abasi? Anie ekeme ndifen mme idiɔk ŋkpɔ ke mibɔhɔke Abasi ikpɔŋ-ikpɔŋ?

LUKE 5:30

Edi mme Pharisee ye mme scribe mmɔ esuk Enye uyo enɔ mbet Esie, ete, Nsinam mbufo ediade enyuŋ eŋwɔŋde ŋkpɔ ye mme publican ye mme idiɔk owo?

LUKE 6:19

Ndien ofuri otu owo eyom ndituk Enye ubɔk: koro odudu otode Enye ke idem ɔwɔrɔ, anam udɔŋɔ okure mmɔ kpukpru.

LUKE 7:30

Edi mme Pharisee ye mme ɔfiɔk-ibet, emi mikanaŋa baptism esie, enam uduak Abasi ke idem mmɔ okpu.

LUKE 8:46

Edi Jesus ɔdɔhɔ ete, Owo kiet okotuk Mi: koro mmɔfiɔk nte odudu ama ɔwɔrɔ Mi ke idem.

JOHN 3:10

Jesus ɔbɔrɔ enye ete, Nte afo edi anditeme owo efen ke Israel, ndien ufiɔkke mme ŋkpɔ emi?

JOHN 3:21

Edi owo eke anamde se idide akpanikɔ ɔwɔrɔ edi ke uŋwana, man eyarare utom esie, ete, enye etie ke Abasi ananam mmɔ.

UTOM MME APOSTLE 19:11

Ndien Abasi ada ubɔk Paul anam mme utibe-ŋkpɔ akwa odudu:

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

UTOM MME APOSTLE 5:34

Edi owo kiet adaha ke enyɔŋ ke esop (enye edi Pharisee, emi ekerede Gamaliel, ekpep-ibet, emi kpukpru mbio-obio ekponode), onyuŋ ɔnɔ uyo ete, Enam mmɔ oro ewɔŋɔ kaŋa.