LUKE 5:16 - Edisana ñwed Abasi Ibom

¹⁶ Edi Enye ɔkpɔŋ mmɔ aka ke desert ikpɔŋ onyuŋ ɔbɔŋ akam.

LUKE 5:16 ပူးပေါင်းရင်းမြစ်များ

MATTHEW 14:23

Ekem ke ini Enye ama ɔkɔdɔŋ mbio-obio enyɔŋɔ, Enye ɔdɔk ke edikoŋ obot ke Idem Esie ikpɔŋ ndibɔŋ akam: edi ke ini osimde mbubreyo, Enye odu do ikpɔŋ.

MARK 6:46

Ekem ke Enye ama ɔkɔkpɔŋ mmɔ, Enye adaha aka ke akamba obot ndibɔŋ akam

LUKE 3:21

Edikem, ke ini kpukpru owo enade baptism ema, Jesus onyuŋ anade baptism onyuŋ ɔbɔŋde akam,

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

LUKE 9:28

Edikem ke ini ekperede ndiyɔhɔ usen itiaita nte Enye eketiŋde ikɔ emi, Enye ada Peter, ye John, ye James, ɔdɔk ke akwa obot ndibɔŋ akam.

LUKE 9:29

Ekem nte Enye ɔbɔŋde akam, iso Esie ɔkpuhɔre, edisine-ŋkpɔ Esie onyuŋ akabare afia, esem oduk owo ke enyin.

JOHN 6:15

Ntem ke ini Jesus ɔfiɔkde ete mmɔ eyom ndidi ndimum Imɔ nnim ke edidem, Enye ɔtɔŋɔ ntak afiak ɔdɔk ke akamba obot ke Idem Esie ikpɔŋ.