LUKE 4:6 - Edisana ñwed Abasi Ibom

⁶ Satan onyuŋ ɔdɔhɔ Enye ete, Nyenɔ Fi ofuri odudu emi ye ubɔŋ mme obio emi: koro ema eyak kpukpru enɔ mi, nnyuŋ nda ubɔŋ oro nnɔ owo eke mmade.

LUKE 4:6 ပူးပေါင်းရင်းမြစ်များ

ESTHER 5:11

Ndien Haman obuk ubɔŋ inyene esie, ye uwak nditɔ-iren esie, ɔnɔ mmɔ, ye kpukpru se edidem okponode enye ke esit, ye nte okoforide enye akan mbɔŋ ye ikɔt edidem.

ISAIAH 23:9

Jehovah mme udim aduak emi, man enye abiat iseri ofuri ubɔŋ, onyuŋ ɔsuhɔre kpukpru mbon ukpono ererimbot.

ISAIAH 5:14

Mmɔdo obio-ekpo okponde udɔŋ aka iso, onyuŋ aŋwaŋade inua esie akaha; ndien ubɔŋ mmɔ, ye uwak mmɔ, ye iwok mmɔ, ye owo eke ebrede ke esit, esuhɔre.

LUKE 4:7

Mmɔdo edieke Afo edituakde ibuot ke iso mi kpukpru eyedi okuo.

JOHN 12:31

Ekem ini ikpe ererimbot emi: ke emi emɔŋ edisio ɔbɔŋ ererimbot emi eduɔk

JOHN 14:30

Nditiŋke aba ŋkpɔ ŋkaha ye mbufo, koro ɔbɔŋ ererimbot emi ke edi, enye inyuŋ inyeneke baba ŋkpɔ kiet ke esit Mi:

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

2 ŊWED CORINTH 11:14

Inyuŋ idige utibe-ŋkpɔ; koro kpa Satan ke idem esie ke oforo angel uŋwana.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

1 PETER 1:24

Koro, Ofuri obukidem etie nte mbiet, Ofuri ubɔŋ esie onyuŋ ebiet ediye ikɔŋ-ikɔt; Mbiet amasat, ediye ikɔŋ onyuŋ okibe;

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:2

Unam oro ŋkutde ebiet ekpe, ukot esie enyuŋ ebiet ukot bear, inua esie onyuŋ ebiet inua lion; dragon ama onyuŋ ayak ukeme esie, ye ebekpo esie, ye akwa nsɔŋ-uyo esie ɔnɔ enye.

ERIYARARE 13:7

Ndien enɔ enye ndiŋwana eŋwan ye ikɔt Abasi, ndinyuŋ ŋkan mmɔ; enyuŋ enɔ enye nsɔŋ-uyo ndikara kpukpru esien ye obio ye usem ye idut.