LUKE 4:43 - Edisana ñwed Abasi Ibom

⁴³ Ndien Enye ɔdɔhɔ mmɔ ete, Mmenyene ndikwɔrɔ eti mbuk ubɔŋ Abasi nnɔ mme obio eŋwen ŋko: koro ekedɔŋ Mi ete ndinam oro.

LUKE 4:43 ပူးပေါင်းရင်းမြစ်များ

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MARK 1:35

Ekem ke ŋkim-ŋwaŋa usen-ubɔk, Enye adaha ke enyɔŋ ɔwɔrɔ aka ke ebiet desert, onyuŋ ɔbɔŋ akam do.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

JOHN 9:4

Nnyin inyene ndinam utom Andidɔŋ Mi ke ini edide uwemeyo: ŋkut-eyo ke edi, eke baba owo kiet mikemeke ndinam utom ke esit.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.