LUKE 4:35 - Edisana ñwed Abasi Ibom

³⁵ Edi Jesus asua ɔnɔ enye ete, Kibi inua; nyuŋ wɔrɔ enye ke idem. Ndien ke ama okosio enye ɔduɔk ke iso mmɔ, ɔwɔrɔ enye ke idem, inamke enye baba ŋkpɔ kiet.

LUKE 4:35 ပူးပေါင်းရင်းမြစ်များ

ŊWED MME PSALM 50:16

Edi Abasi ɔdɔhɔ idiɔk owo, ete, Afo anam didie ataŋa mme ewuhɔ mi, onyuŋ emen ediomi mi esin ke inua fo?

ZECHARIAH 3:2

Ndien Jehovah ɔdɔhɔ Satan, ete, Jehovah akpakam aduari fi, Satan; Jehovah emi ekemekde Jerusalem akpakam onyuŋ aduari fi: nte enye emi idige ifia eke esiode ke ikaŋ?

MATTHEW 17:18

Ekem Jesus asua ɔnɔ demon, enye oro onyuŋ ɔwɔrɔ eyen ke idem; ndien udɔŋɔ okure enye kpa ke ini oro.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

MARK 1:26

Ndien ke edidehe spirit ama akawai enye, ofiori ke ɔkpɔsɔŋ uyo, onyuŋ ɔwɔrɔ enye ke idem.

MARK 4:39

Ndien Enye edemere asua ɔnɔ ofim, onyuŋ ɔdɔhɔ inyaŋ ete, Dobo, na suŋ. Ndien ofim odobo, mmɔŋ onyuŋ ana suŋ-ŋ.

MARK 9:26

Ekem spirit ofiori, onyuŋ esiŋere enye eti-eti, ɔwɔrɔ enye ke idem: ndien eyen oro ɔsuhɔ, tutu ediwak owo edɔhɔ ete, enye ama akpa.

LUKE 11:22

edi ke ini owo emi okopde idem akan enye edide eŋwan ye enye onyuŋ akande enye, owo oro ɔbɔ enye kpukpru ŋkpɔ-ekɔŋ esie eke enye ɔkɔbuɔtde idem ke esit, onyuŋ edeme mbume esie.

LUKE 4:23

Ndien Enye ɔdɔhɔ mmɔ ete, Mbufo iditreke nditop ŋke emi nnɔ Mi, ete, Abia-ibɔk, kɔk idemfo: kpukpru se ikokopde ite amanam ke Capernaum, nam mi ŋko ke obio fo.

LUKE 4:39

Ndien Enye ada ekpere enye, asua ɔnɔ ufiop-idem; ndien ufiop-idem ɔkpɔŋ enye: enye onyuŋ adaha ke enyɔŋ ini kiet anam ŋkpɔ ɔnɔ mmɔ.

LUKE 4:41

Demon enyuŋ ewɔŋɔ ediwak owo ke idem, efiori ete, Afo edi Eyen Abasi. Edi Enye asua ɔnɔ mmɔ iyakke mmɔ esioro uyo; koro mmɔ efiɔkde ete Enye edi Christ.

LUKE 8:24

Edi mmɔ edi edidemere Enye, ete, Andikpep, Andikpep, nnyin imatak. Edi Enye edemere, asua ɔnɔ ofim ye mbufut mmɔŋ: ndien mmɔ edobo, ena suŋ-ŋ.

LUKE 9:39

ndien sese spirit, ke omum enye, enye onyuŋ obumere ofiori; spirit onyuŋ esiŋere enye, esin enye osio efot, anuak enye eti-eti, onyuŋ ɔsɔŋ ndiyak enye.

LUKE 9:42

Da eyen fo di ken. Edi nte enye asaŋade edi, demon osio enye ɔduɔk ke isɔŋ, onyuŋ esiŋere enye ɔkpɔsɔŋ. Edi Jesus asua ɔnɔ edidehe spirit oro, onyuŋ anam eyen okop nsɔŋidem, onyuŋ ayak enye ɔnɔ ete esie.

ERIYARARE 12:12

Ntre edara, O mme heaven, ye mbufo emi eduŋɔde ke esit. Mbɔm isɔŋ ye inyaŋ, Koro andidori ikɔt Abasi ikɔ ama ɔsuhɔre etiene mbufo; Enye asaŋa ye akwa ifuresit, sia enye ɔdiɔŋɔde ete ini imɔ edi ibio.