LUKE 4:20 - Edisana ñwed Abasi Ibom

²⁰ Ndien Enye okibi ŋwed, ayak ɔnɔ asaŋutom, onyuŋ ɔsuhɔre etetie: kpukpru mmɔ emi edude ke synagogue enyuŋ ewuk enyin ese Enye.

LUKE 4:20 ပူးပေါင်းရင်းမြစ်များ

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

MATTHEW 27:60

onim ke obufa udi esiemɔ, emi enye okotuŋde ke itiat; onyuŋ akpat akambia itiat eberi ke iso usuŋ udi, ɔnyɔŋ.

LUKE 19:48

edi mmɔ ikwe nte ekpanamde; koro kpukpru owo eyirede Enye, ndikop ikɔ Esie.

LUKE 4:17

Ndien enɔ Enye ŋwed prophet Isaiah. Ndien ke Enye okibɔrede ŋwed, okut itie emi ewetde ete,

LUKE 4:21

Enye ɔtɔŋɔ ndidɔhɔ mmɔ, ete, Ikɔ ŋwed Abasi emi omosu ke utɔŋ mbufo mfin emi.

LUKE 5:3

Edi Enye oduk ke ubom kiet emi enyenede Simon, onyuŋ ɔdɔhɔ enye ete onuk ubom ɔkpɔŋ obot esisit. Enye onyuŋ ɔsuhɔre etetie ke ubom ekpep mme otu owo ŋkpɔ.

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

UTOM MME APOSTLE 16:13

Ke sabbath nnyin iwɔrɔ ke inua-otop ikaka ke mben akpa, ɔtɔ nte nnyin isede ite enim itie-akam do: inyuŋ isuhɔre itetie itiŋ ikɔ inɔ iban emi edide edibono do ɔtɔ kiet.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?