LUKE 4:15 - Edisana ñwed Abasi Ibom

¹⁵ Ndien Enye ekpep mmɔ ŋkpɔ ke mme synagogue mmɔ, kpukpru owo enyuŋ etoro Enye.

LUKE 4:15 ပူးပေါင်းရင်းမြစ်များ

ISAIAH 55:5

Sese, afo eyekot idut eke mufiɔkke, ndien idut eke mifiɔkke fi eyefehe ebine fi, abaŋa Jehovah ye Edisana Abasi Israel: koro enye ɔnɔde fi ubɔŋ.

MATTHEW 13:54

Ndien Enye edi ke obio Esiemɔ onyuŋ ekpep mmɔ ŋkpɔ ke synagogue mmɔ, tutu idem akpa mmɔ, mmɔ enyuŋ ete, Owo emi ada ɔniɔŋ emi ye utom odudu emi ke mmɔŋ?

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MATTHEW 9:8

Edi ke ini mme otu owo ekutde ŋkpɔ emi, ndik anam mmɔ, mmɔ enyuŋ etoro Abasi emi akayakde oruk odudu emi ɔnɔ owo.

MARK 1:27

Idem akpa mmɔ kpukpru, tutu ebup kiet eken ete, Nso ŋkpɔ edi emi? Obufa ukpep-ŋkpɔ! Enye ada odudu owuk ndidehe spirit, ndien mmɔ ekop uyo Esie.

MARK 1:39

Ndien Enye asaŋa oduk ke mme synagogue mmɔ ke ofuri Galillee, ɔwɔrɔ ikɔ, onyuŋ ebin demon ɔduɔk.

MARK 1:45

Edi enye ɔwɔrɔ ɔtɔŋɔ nditaŋa ŋkpɔ emi eti-eti, ndinyuŋ nsuan ikɔ emi, tutu Jesus ikemeke aba ndiduk ke obio aŋwa-aŋwa, edi odu ke edem ke ebiet desert: ndien mmɔ eto ke kpukpru edem etiene Enye.

LUKE 13:10

Enye ke ekpep mmɔ ŋkpɔ ke synagogue kiet ke sabbath.

LUKE 4:16

Ekem Enye edi ke Nazareth, kpa ke ebiet emi ekebɔkde Enye: ndien nte ido Esie edide, Enye oduk ke synagogue ke usen sabbath, onyuŋ adaha ke enyɔŋ ndikot ŋwed.