LUKE 4:1 - Edisana ñwed Abasi Ibom

¹ EDI Jesus ɔyɔhɔ ye Edisana Spirit afiak ɔkpɔŋ Jordan; Spirit onyuŋ ada Enye asasaŋa ke desert ke usen aba, ndien Satan odomo Enye.

LUKE 4:1 ပူးပေါင်းရင်းမြစ်များ

1 NDIDEM 18:12

Ndien ama ekem ke ini ami ndinyɔŋɔde ŋkpɔŋ fi, spirit Jehovah eyemen fi aka ke ebiet eke mmendifiɔkke; ndien ke ini ŋkade ŋketiŋ nnɔ Ahab, ndien enye midikwe fi, enye eyewot mi; edi owo fo edi andibak Jehovah toto ke ini uyen mi.

1 NDIDEM 19:4

Ndien enye ada isaŋ usen kiet oduk ke wilderness, ndien aka eketie ke idak eto juniper kiet: onyuŋ ebeŋe ke idem esie ete ikpa; onyuŋ ɔdɔhɔ ete, Ekem, ndien; O Jehovah, kam bɔ mi uwem: koro mme-mfɔnke ŋkan mme ete mi.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

EZEKIEL 3:14

Ntem ke spirit emenere mi, onyuŋ ada mi efep, ndien nsaŋa ke idot ye ke ufiop spirit mi; ubɔk Jehovah onyuŋ odoro mi ɔkpɔsɔŋ.

MATTHEW 3:16

Ekem John onyime ɔnɔ Enye. Edi ke ini Jesus akanade baptism ama, kpa idaha oro Enye ɔwɔrɔ ke mmɔŋ ɔdɔk: ndien sese, enyɔŋ eberere ɔnɔ Enye, Enye onyuŋ okut Spirit Abasi ɔsuhɔrede nte ibiom edidoro Enye ke idem;

LUKE 2:27

Ndien enye asaŋa ke Spirit oduk ke temple: ekem ke adaŋemi ete ye eka edade Eyen, kpa Jesus, eduk, man enam ye Enye nte ido ibet edide,

LUKE 3:3

Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ;

LUKE 3:38

eyen Enos, eyen Seth, eyen Adam, eyen Abasi.

LUKE 4:14

Ekem Jesus afiak edi ke Galilee ke odudu Spirit: etop Esie onyuŋ asuana akanare ofuri edem oro.

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

JOHN 1:32

John onyuŋ etie ntiense ete, Mma ŋkut Spirit nte otode ke enyɔŋ ɔsuhɔre nte ibiom odoro Enye ke idem.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 8:39

Edi ke adaŋemi mmɔ etode ke mmɔŋ ewɔrɔ edɔk, Spirit Jehovah ada Philip adaha, eunuch inyuŋ ikwe enye aba, koro enye ɔnyɔŋ esie ke idaresit.