6 Kpukpru owo eyenyuŋ ekut erinyaŋa Jehovah.
ndien ubɔŋ Jehovah eyeyarare, kpukpru owo ɔtɔ kiet eyenyuŋ ekut enye: koro uyo Jehovah ɔdɔhɔde.
Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.
enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.
Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.
Koro ubahare iduhe ke ufɔt Jew ye Greek: koro Ɔbɔŋ kiet edide Ɔbɔŋ mmɔ kpukpru, onyuŋ enyene ɔyɔhɔ mfɔnido ye kpukpru mmɔ eke esemede ekot Enye.
Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.
