LUKE 3:11 - Edisana ñwed Abasi Ibom

¹¹ Enye ɔbɔrɔ mmɔ ete, Yak owo eke enyenede ɔfɔŋidem iba ada kiet ɔnɔ owo eke minyeneke; yak owo eke enyenede udia onyuŋ anam kpa ntre.

LUKE 3:11 ပူးပေါင်းရင်းမြစ်များ

EZEKIEL 18:7

minyuŋ itukke owo, edi esana ubiɔŋ esie ayak, ndien midaha ŋkpɔ ke ŋwo, ada udia esie ɔnɔ owo biɔŋ, onyuŋ ada ɔfɔŋ-idem ofuk iferi;

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

JOHN 13:29

Koro ndusuk mmɔ ese ete, sia Judas akamade ekpat okuk, Jesus ɔnɔ enye uyo ete, Dep se iyomde inɔ usɔrɔ; midige, nɔ nditɔ-ubuene ŋkpɔ.

UTOM MME APOSTLE 10:2

Ndien enye edi owo emi eteŋede Abasi onyuŋ abakde Abasi ye ofuri ufɔk esie, onyuŋ ɔnɔde mme ubuene ediwak ŋkpɔ-mfɔn, onyuŋ ɔbɔŋde akam ɔnɔ Abasi kpukpru ini.

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

ŊWED MBON EPHESUS 4:28

edi yak enye akam anam ɔkpɔsɔŋ utom, ada ubɔk esie anam eti utom, man enye enyene se adade ɔnɔ owo eke odude ke unana.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1ŊWED TIMOTHY 6:18

Dɔhɔ mmɔ ete, efɔn ido, enyuŋ enam nti utom uwak-uwak, enyuŋ etat ubɔk, enyime ndinɔ owo ŋkpɔ;

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

JAMES 2:14

Nditɔ-ete mi, ɔfɔn nso owo ndidɔhɔ ete, imɔ imonim ke akpanikɔ, ke enye minyeneke erinam ŋkpɔ? Nte erinim ke akpanikɔ oro emekeme ndiyaŋa enye?

1 JOHN 3:17

Edi owo eke enyenede inyene ererimbot emi, onyuŋ okutde eyen-ete esie ke unana, onyuŋ eberide mbɔm abaha enye, ima Abasi ekeme didie ndiduŋ owo oro ke esit?

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.