LUKE 24:47 - Edisana ñwed Abasi Ibom

⁴⁷ enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

LUKE 24:47 ပူးပေါင်းရင်းမြစ်များ

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 67:7

Abasi eyediɔŋ nnyin; ndien kpukpru mme idut ererimbot eyebak enye.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 49:22

Ntem ke Ɔbɔŋ Jehovah ɔdɔhɔ, ete, Sese, nyenyanare ubɔk mi nnɔ mme idut; nnyuŋ mmenere banner nnɔ mme obio: ndien mmɔ eyekama nditɔ-iren fo ke ikpanesit edi, enyuŋ ebiom nditɔ-iban fo ke afara.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 5:4

Nso ŋkpɔ ɔsuhɔ eke ŋkpanamde ye iŋwaŋ-vine mi, ndien mmeŋkanamke ke esit? Nnam didie ndien, nnim enyin nte enye eyeŋwum grape, ndien enye oŋwum ɔbɔruduk?

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 52:15

kpa ntre ke enye edisime ediwak mme idut; ndidem eyekubi inua enɔ enye: koro emekut se miketiŋke inɔ mmɔ, emenyuŋ enim ibuot ke se mmɔ mikokopke.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

HOSEA 2:23

Nyenyuŋ ntɔ enye ke isɔŋ nnɔ idem mi nnyuŋ ntua Lo-ruhamah mbɔm: nnyuŋ ndɔhɔ Lo-ammi, nte, Afo edi ikɔt mi; ndien enye eyedɔhɔ mi, ete, Abasi mi.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 3:2

Mbufo ekabare esit; koro Ubɔŋ Heaven ke ekpere.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

UTOM MME APOSTLE 11:18

Edi ke ini mmɔ ekopde ŋkpɔ emi, mmɔ edop uyo, enyuŋ enɔ Abasi itoro, ete, Ama edi ntre ndien, Abasi ayak mme Gentile ŋko ekabare esit eduk uwem.

UTOM MME APOSTLE 13:46

Ndien Paul ye Barnabas edɔhɔ mmɔ uko-uko ete, Ana nte ebem iso etiŋ ikɔ Abasi enɔ mbufo. Sia mbufo esinde ikɔ oro, enyuŋ ebatde ete mmimɔ idotke nsinsi uwem, sese, nnyin ikabare itiene mme Gentile.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 20:21

nnyuŋ ŋkpep mbufo ke ufɔk ke ufɔk, ŋkwɔrɔ nnɔ mme Jew ye mme Greek, nte mmɔ ekabare esit etiene Abasi, enyuŋ ebuɔt idem ye Ɔbɔŋ nnyin Jesus Christ.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

UTOM MME APOSTLE 26:20

edi mbem kaŋa iso ŋkwɔrɔ nnɔ mbon Damascus, ye mbon Jerusalem, ye ofuri isɔŋ Judaea, ye mme Gentile nde, nte mmɔ ekabare esit ewɔŋɔre etiene Abasi, enyuŋ enam utom eke odotde erikabare esit.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

UTOM MME APOSTLE 3:19

Ekabare esit ndien, enyuŋ efiak edem, man esɔhi mme idiɔk-ŋkpɔ mbufo efep; man oto do ini eridemere edito ke iso Jehovah osim mbufo;

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

UTOM MME APOSTLE 5:31

Abasi akada ubɔk nnasia, Esie emenere Enye onim ke enyɔŋ, ete edi Ɔbɔŋ ye Andinyaŋa, man Enye ɔnɔ Israel erikabare esit, ye erifen mme idiɔk-ŋkpɔ.

ŊWED MBON ROME 5:20

Edi ibet oduk edi man ndudue ewak ekan: edi ɔtɔ nte idiɔk-ŋkpɔ awakde, mfɔn ɔdɔdiɔŋ awak do akan:

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

1 JOHN 2:12

Mmewet nnɔ mbufo, ŋkpri nditɔ mi, koro ema efen mme idiɔk-ŋkpɔ mbufo kabaŋa enyiŋ Esie.