LUKE 24:41 - Edisana ñwed Abasi Ibom

⁴¹ Edi ke adaŋemi idaresit miyakke mmɔ enim ke akpanikɔ, idem onyuŋ akpade mmɔ, Enye ɔdɔhɔ mmɔ ete, Nte mbufo emenyene se owo adiade mi?

LUKE 24:41 ပူးပေါင်းရင်းမြစ်များ

ŊWED JOB 9:16

Ŋkpokot enye, ndien enye ekpeyere mi, ŋkpesehe nte ke enye okop uyo mi ke akpanikɔ;

MARK 16:11

Ndien ke ini mmɔ ekopde ete, Enye odu ke uwem, Mary ama onyuŋ okut Enye, mmɔ inimke ke akpanikɔ.

MARK 16:13

Ndien mmɔ oro edaha ekobuk enɔ mmɔ eken, mmɔ inyuŋ inimke mmɔ ke akpanikɔ.

MARK 16:14

Ke ukperedem Enye ayarare Idem Esie ɔnɔ mbet Esie duop-ekiet ke idem mmɔ nte mmɔ etiede ke itie-udia; Enye onyuŋ asua unana mbuɔtidem ye nsɔŋesit mmɔ ɔnɔ mmɔ, koro mmɔ minimke mmɔ oro ekokutde Enye ke Enye ama ekeset ke akpanikɔ.

MARK 8:7

Mmɔ enyuŋ enyene ndusuk ŋkpri iyak: ndien ke ini Enye ama ɔdiɔŋ mmɔ, Enye ɔdɔhɔ ete, enim mmɔ emi ŋko ke iso mbio-obio.

LUKE 24:11

edi mbuk mmɔ etie ke utɔŋ mmɔ oro nte ikpikpu nneme; mmɔ inyuŋ inimke mmɔ ke akpanikɔ.

LUKE 24:40

Ndien ke Enye ama eketiŋ ntem, Enye owut mmɔ ubɔk ye ukot Esie.

LUKE 24:42

Ndien enɔ Enye ibio; ofɔp iyak.

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

JOHN 21:5

Ntre ke Jesus obup ete, Nditɔ, nte mbufo emenyene se ediade? Mmɔ ebɔrɔ Enye ete, Inyeneke.

UTOM MME APOSTLE 12:14

Ndien ke adaŋemi enye ɔfiɔkde uyo Peter, idaresit inyimeke enye osio usuŋ; ntre ke enye efehe afiak oduk ufɔk akasian mmɔ oro ete Peter ke ada ke inua-otop.