LUKE 24:4 - Edisana ñwed Abasi Ibom

⁴ Ekem nte esit otimerede mmɔ abaŋa ŋkpɔ emi, sese, owo iba emi esinede nsem-nsem ɔfɔŋidem eda mmɔ ke ŋkaŋ:

LUKE 24:4 ပူးပေါင်းရင်းမြစ်များ

GENESIS 18:2

ndien enye emenere enyin esie okut, ndien, sese owo ita edade ekpere enye, ndien ke okutde, enye adaha ke enyin usuŋ tent okosobo ye mmɔ, ɔnuhɔ ke isɔŋ.

MARK 16:5

Ke ini mmɔ edukde ke esit udi, mmɔ ekut akparawa kiet etiede ke ŋkaŋ nnasia, esine afia ɔfɔŋidem; ndien idem akpa mmɔ.

LUKE 2:9

Ndien angel Jehovah edi edikpere mmɔ, ubɔŋ Jehovah onyuŋ ayama akan mmɔ okuk: ndien ndik anam mmɔ eti-eti.

LUKE 24:5

ndien ke ini iban efehede ndik etuk iso ese isɔŋ, mmɔ oro edɔhɔ ete, Nsinam mbufo eyomde Enye emi odude uwem ke otu mme akpa-mkpa?

UTOM MME APOSTLE 1:10

Ndien nte mmɔ esuk ewukde enyin ese enyɔŋ nte Enye ke ɔdɔdɔk, sese, owo iba, emi esinede mfia ɔfɔŋidem, eda ekpere mmɔ; mmɔ oro enyuŋ edɔhɔ ete,

UTOM MME APOSTLE 12:7

Ndien sese, angel Ɔbɔŋ ada enye ke ŋkaŋ, uŋwana onyuŋ ayama ke ubet oro; enye oro onyuŋ atuak Peter ke ŋkaŋ, edemere enye, ete, Daha ke enyɔŋ iwiwa. Ndien ŋkpɔkɔbi efɔrɔre enye ke ubɔk eduɔ.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.