LUKE 24:32 - Edisana ñwed Abasi Ibom

³² Ndien mmɔ edɔhɔ kiet eken ete, Nte esit ikofiopke nnyin, ke ini Enye enemede nneme ye nnyin ke usuŋ, onyuŋ asiakde ikɔ Abasi ɔnɔ nnyin?

LUKE 24:32 ပူးပေါင်းရင်းမြစ်များ

ŊWED MME PSALM 104:34

Ekikere mi eke abaŋade enye eyenem mi esit: ami nyedara Jehovah.

ŊWED MME PSALM 39:3

Esit mi ofiop mi ke idem, ke ntiede ŋkere ikaŋ obubere asak: ndɔhɔ ke edeme mi, nte,

MME ŊKE 27:17

Ukwak aban ukwak ɔsɔp: owo onyuŋ anam iso ufan esie ɔsɔŋ.

MME ŊKE 27:9

Aran ye ufuɔŋkpɔ enem owo esit: kpa ntre ŋko ke ima ufan eke otode ke ɔwɔŋ esit.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

JEREMIAH 15:16

Emekut ikɔ fo, ndien ndia mmɔ; ndien ikɔ fo, ekabare edi ŋkpɔ idara ye inemesit mi: koro ŋkerede enyiŋ fo, O Jehovah Abasi mme udim.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 23:29

Jehovah ɔdɔhɔ, ete, Nte ikɔ mi ibietke ikaŋ? nte ibietke hammer eke obomde akamba itiat?

MARK 4:34

minyuŋ idige ke ŋke, Enye itiŋke ikɔ inɔ mmɔ; edi Enye asiak kpukpru ŋkpɔ ɔnɔ mbet Esie ke idem mmɔ ikpɔŋ.

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

JOHN 6:63

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

UTOM MME APOSTLE 28:23

Ntre ke mmɔ emek usen enim enɔ enye, enyuŋ esaŋa uwak-uwak edi ke ebiet emi enye odude. Ndien tɔŋɔ usenubɔk tutu mbubreyo, enye aŋwaŋade ŋkpɔ ɔnɔ mmɔ, ɔkwɔrɔ Ubɔŋ Abasi, onyuŋ osioŋo ikɔ ke ibet Moses ye mme-prophet, aŋwana ndiwɔŋɔre mmɔ esit mbaŋa Jesus.

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.