LUKE 24:30 - Edisana ñwed Abasi Ibom

³⁰ Enye oduk akadaŋ ye mmɔ Ekem ke ini Enye etiede ye mmɔ ke itie-udia, Enye emen uyo, ɔdiɔŋ, obuŋ, ayak ɔnɔ mmɔ.

LUKE 24:30 ပူးပေါင်းရင်းမြစ်များ

MATTHEW 14:19

Ndien Enye ɔnɔ mme otu owo uyo, ete, esuhɔre etetie ke mbiet; onyuŋ emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, mbet enyuŋ eyak enɔ mme otu owo.

MATTHEW 15:36

onyuŋ emen uyo itiaba ye iyak oro; ndien ke ama ɔkɔnɔ ekɔm, obuŋ, ayak ɔnɔ mbet; mbet enyuŋ enɔ otu owo.

MATTHEW 26:26

Edi nte mmɔ ediade, Jesus emen uyo, ɔdiɔŋ onyuŋ obuŋ, ɔnɔ mbet Esie ete, Ebɔ, eta; emi edi ikpɔhidem Mi.

MARK 14:22

Ekem nte mmɔ ediade, Enye emen uyo, ndien ke ama ɔkɔdiɔŋ, obuŋ onyuŋ ɔnɔ mmɔ, ete, Ebɔ: emi edi ikpɔhidem Mi.

MARK 6:41

Ndien Enye emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, ete enim mbio-obio ke iso: Enye onyuŋ edeme iyak iba oro ɔnɔ mmɔ kpukpru.

MARK 8:6

Ndien Enye ɔnɔ otu owo uyo ete, Esuhɔre etetie ke isɔŋ; onyuŋ emen uyo itiaba oro, ndien, ke Enye ama ɔkɔnɔ ekɔm, obuŋ, ayak ɔnɔ mbet, ete enim ke iso mbio-obio: mmɔ enim uyo ke iso otu owo.

LUKE 22:19

Enye onyuŋ emen uyo, ndien ke ama ɔkɔnɔ ekɔm, obuŋ, ɔnɔ mmɔ, ete, Emi edi ikpɔhidem Mi eke enɔde kabaŋa mbufo: enam emi nditi Mi.

LUKE 24:29

Edi mmɔ eyire Enye ete, Daŋ ye nnyin; koro ke ekpere mbubreyo, ndien eyo ɔmɔŋ okut.

LUKE 24:35

Ekem mmɔ ebuk se ikotibede ke usuŋ, ye nte ekediɔŋɔde Enye, ke ini Enye obuŋde uyo.

LUKE 9:16

Ndien Enye emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ, ayak ɔnɔ mbet ete, enim otu owo ke iso.

JOHN 6:11

Ntre ke Jesus emen uyo; ndien ke Enye ama ɔkɔnɔ ekɔm, Enye edeme uyo ɔnɔ mmɔ oro etiede tie, onyuŋ anam kpa ntre ye iyak ŋko, adaŋa nte mmɔ eyomde.

UTOM MME APOSTLE 2:42

Mmɔ oro enyuŋ edɔdiɔŋ esin ifik ke erikpep ye nsaŋa mme apostle, ye ke eribuŋ uyo ye ke akam.

UTOM MME APOSTLE 2:46

Ndien ke usen ke usen mmɔ enyene iwuk edu ke temple ye esit kiet, enyuŋ ebuŋ uyo ke ufɔk, mmɔ edia udia ke idaresit ye esit kiet, etoro Abasi; kpukpru owo enyuŋ enen iso ye mmɔ.

UTOM MME APOSTLE 27:35

Ndien ke enye ama eketiŋ ntem, enye emen uyo, ɔnɔ Abasi ekɔm ke iso kpukpru mmɔ, onyuŋ obuŋ, ɔtɔŋɔ ndita.