LUKE 23:25 - Edisana ñwed Abasi Ibom

²⁵ Ntre ke enye asana owo emi ebeŋede ayak, kpa owo emi ekesinde ke ufɔk-ŋkpɔkɔbi ebaŋa ndutime ye obom, onyuŋ ayak Jesus ɔnɔ mmɔ ete enam ye Enye nte mmɔ emade.

LUKE 23:25 ပူးပေါင်းရင်းမြစ်များ

ESTHER 3:11

Ndien edidem ɔdɔhɔ Haman, ete, Enɔ fi silver oro, ye mbio oro, man afo anam ye mmɔ kpa nte ɔfɔnde fi ke enyin.

MATTHEW 27:26

Ntre ke Pilate asana Barabbas ayak ɔnɔ mmɔ: edi amia Jesus, onyuŋ ayak Enye ɔnɔ mmɔ, ete eda Enye ekowot ke cross.

MARK 15:15

Edi mmɔ edɔdiɔŋ efiori ete, Wot Enye ke cross. Ekem ke eriyom ndinem otu owo esit, Pilate asana Barabbas ayak ɔnɔ mmɔ, ndien ke enye ama akamia Jesus, ayak Enye esin mmɔ ke ubɔk ete, Eda eka ekowot ke cross.

LUKE 23:2

Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

LUKE 23:24

Ndien uyo mmɔ akan. Pilate ɔnɔ uyo ete enam nte mmɔ ebeŋede.

LUKE 23:26

Ndien nte mmɔ edade Enye edaha, mmɔ emum simon, owo Cyrene, emi otode ke iŋwaŋ, emen cross edori enye ke edem, ete ada etiene Jesus.

LUKE 23:5

Edi mmɔ edɔdiɔŋ esɔŋɔ eyire ete, Enye obubere mbio-obio, ekpep mmɔ ŋkpɔ ke ofuri Judaea, ɔtɔŋɔ ke Galilee osim ebiet emi.

JOHN 18:40

Mmɔ etɔŋɔ ntak efiori ete, Nnyin iyomke owo emi; iyom Barabbas. Ndien Barabbas edi owo ŋwo.

JOHN 19:16

Ekem enye ayak Jesus ɔnɔ mmɔ ete eda ekewot ke cross.

UTOM MME APOSTLE 3:14

Edi mbufo ekaŋ Enye emi asanade onyuŋ enende, enyuŋ ebeŋe ete eyak owo obom enɔ mbufo, enyuŋ ewot Ɔbɔŋ uwem;

1 SAMUEL 12:13

Sese, ndien, edidem emi mbufo emekde enyuŋ eyomde! ndien, sese, Jehovah omonim edidem ɔnɔ mbufo.