LUKE 23:2 - Edisana ñwed Abasi Ibom

² Mmɔ enyuŋ etɔŋɔ ndidori Enye ikɔ, ete, Nnyin imokut owo emi nte abiatde mbio-obio ibuot, akpan ete ekunɔ Caesar utomo, onyuŋ ɔdɔhɔ ete, Imo ke Idem Imɔ idi Christ Edidem.

LUKE 23:2 ပူးပေါင်းရင်းမြစ်များ

1 NDIDEM 18:17

Edikem ke ini Ahab okutde Elijah, Ahab ɔdɔhɔ enye, ete, Nte edi afo odutuhɔ Israel?

ŊWED MME PSALM 35:11

Mbon afai edaha eda nte ntiense; mmɔ ebup mi ŋkpɔ eke mme mfiɔkke.

ŊWED MME PSALM 62:4

Mmɔ eduak ndinuk enye kpa ke uforo esie mfep: ema abiaŋa: eda mkpɔk-inua mmɔ ekɔm, edi esuŋi ke esit mmɔ. [Selah.]

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

ZECHARIAH 11:8

Ndien nsibe mme ekpemerɔŋ mbita mfep ke ɔfiɔŋ kiet; ndien esit mi asua mmɔ, esit mmɔ onyuŋ asua mi.

MATTHEW 17:27

Edi mbak nnyin idiyat mmɔ esit, ka ke inyaŋ kɔduɔk uwam, nyuŋ men akpa iyak eke omumde; ndien ke ama atat enye inua eyekut okuk; da oro, nɔ mmɔ ke udeme Mi ye okuo.

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

MATTHEW 27:11

Edi Jesus ada ke iso andikara: andikara onyuŋ obup Enye ete, Nte Afo edi edidem mme Jew? Jesus ɔdɔhɔ enye ete, Ndi Enye.

MARK 12:17

Jesus ete mmɔ, Enɔ Caesar se inyenede Caesar, enyuŋ enɔ Abasi se inyenede Abasi. Ndien akpa mmɔ idem eti-eti ye Enye.

MARK 15:2

Ndien Pilate obup Enye ete, Nte Afo edi Edidem mme Jew?

LUKE 23:14

Mbufo ekeda owo emi esɔk mi nte owo eke abiatde mbio-obio ibuot: ndien sese, ŋkodomo Enye ke iso mbufo, edi ŋkwe baba idiɔk-ŋkpɔ kiet ke idem esie mbaŋa mme ikɔ eke mbufo edoride Enye.

LUKE 23:5

Edi mmɔ edɔdiɔŋ esɔŋɔ eyire ete, Enye obubere mbio-obio, ekpep mmɔ ŋkpɔ ke ofuri Judaea, ɔtɔŋɔ ke Galilee osim ebiet emi.

JOHN 18:29

Ndien Pilate ɔwɔrɔ edisobo ye mmɔ, onyuŋ obup ete, Mbufo etiŋ nso edian owo emi?

JOHN 18:30

Mmɔ ɔbɔrɔ enye ete, Edieke owo emi mikpedige anam-idiɔk, nnyin ikpadaha Enye idisin fi ke ubɔk.

JOHN 19:12

Ke ntak emi Pilate oyom ndisana Enye nyak: edi mme Jew efiori ete, Edieke asanade owo emi ayak, udige ufan Caesar; kpukpru owo eke enimde idem ke edidem eŋwana ye Caesar.

UTOM MME APOSTLE 24:13

Mmɔ ikemeke ndiwut fi, ete, se mme imɔ etiŋde idian mi edi akpanikɔ.

UTOM MME APOSTLE 24:5

Koro nnyin imokut ite owo emi edi owo afanikɔŋ; enye edemere nsɔŋ-ibuot ke otu kpukpru mme Jew emi edude ke ofuri ererimbot, onyuŋ edi ebe-iso owo ke otu ŋka emi etienede Jesus eyen Nazareth.

ŊWED MBON ROME 13:7

Enɔ kpukpru owo se idide udeme mmɔ: eda utomo enɔ mmɔ emi ekpebɔde utomo; eda utip enɔ mmɔ emi ekpebɔde utip; efehe mmɔ emi edotde ndik; ekpono mmɔ emi edotde ukpono.