LUKE 22:52 - Edisana ñwed Abasi Ibom

⁵² Edi Jesus ɔdɔhɔ ikpɔ oku, ye mme etubom temple, ye mbiowo emi edide ndimum Enye, ete, Nte mbufo emewɔŋɔ edi, ye ofut ye eto nte ŋkpɔ eke ebinede owo ŋwo?

LUKE 22:52 ပူးပေါင်းရင်းမြစ်များ

2 NDIDEM 11:15

Ndien Jehoiada oku eteme mme etubom mme ikie, kpa mme adidaha udim-ekɔŋ, onyuŋ ɔdɔhɔ mmɔ, ete, Mbufo esio enye ke otu mme udim efep: enyuŋ eda ofut ewot mmɔ eke etienede enye ke edem: koro oku ɔkɔdɔhɔde ete, Ekuwot enye ke ufɔk Jehovah.

MATTHEW 26:47

Ndien ke adaŋemi Enye osuk etiŋde ntem, sese, Judas, emi edide owo kiet ke otu mbet duopeba, edi; akwa otu owo, eke etode ke ikpɔ oku ye mbiowo obio, enyuŋ esaŋa ye enye, ye ofut ye eto ke ubɔk.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

LUKE 22:37

Koro ndɔhɔ mbufo nte, Se ekewetde ete, Ebat Enye esin ke otu mme abiat-ibet, enyene ndiwɔrɔ nnɔ Mi: koro mme ŋkpɔ eke eketiŋde ebaŋa Mi enyene ndisu.

LUKE 22:4

Ndien enye adaha aka ekeneme nneme ye ikpɔ oku ye mme etubom mbon-ekɔŋ, abaŋa nte edisaŋade ada Enye ayak ɔnɔ mmɔ.

LUKE 22:51

Edi Jesus ɔbɔrɔ ete, Eyak etre adaŋa oro. Ndien Enye otuk utɔŋ owo oro, anam enye ɔfɔn,

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

JOHN 17:12

Ke adaŋemi ŋkodude ye mmɔ, Ami mma nda enyiŋ Fo ŋkama mmɔ emi Afo ɔkɔnɔde Mi; mma nnyuŋ ŋkpeme mmɔ, ndien baba owo mmɔ kiet ikatakke, ke mibɔhɔke eyen nsobo; man se ewetde osu.

UTOM MME APOSTLE 5:26

Ekem etubom temple ye mme isuŋutom eka ekeda mmɔ edi, edi idige ke ɔkpɔsɔŋ ubɔk; koro mmɔ efehede, mbak mbio-obio editɔŋɔ mmɔ ke itiat.