LUKE 22:42 - Edisana ñwed Abasi Ibom

⁴² Ete, edieke Afo onyimede, men Mi cup emi fep: edi okudi nte Ami nnyimede, yak edi nte Afo oyimede.

LUKE 22:42 ပူးပေါင်းရင်းမြစ်များ

ŊWED MME PSALM 40:8

Mmama ndinam se afo amade, O Abasi mi, mbet fo enyuŋ edu mi ke esit.

ISAIAH 51:17

Demere, demere, daha ke enyɔŋ, Jerusalem, emi ɔkɔbɔde Jehovah cup iyaresit esie ke ubɔk ɔŋwɔŋ; afo ɔkɔŋwɔŋ bowl, kpa cup ufum, ɔkɔrɔde.

ISAIAH 51:22

ye eke Abasi fo, enye eyekpe ikɔ ikɔt esie, ete, Sese, mmosio fi cup ufum ke ubɔk, nsio bowl kpa cup ifuresit mi; afo udumanake uŋwɔŋ aba enye:

JEREMIAH 25:15

Koro ntem ke Jehovah Abasi Israel ɔdɔhɔ mi, ete, Bɔ mi cup wine ifuresit emi ke ubɔk, nyuŋ da enye nɔ kpukpru mme idut oro ami ŋkɔdɔŋde fi utom ke otu mmɔ, ete eŋwɔŋ.

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 11:26

Edi ntre, Ete, koro enemde Fi ntem ke enyin.

MATTHEW 20:22

Edi Jesus ɔbɔrɔ ete, Mbufo ifiɔkke se ebeŋede. Nte mbufo emekeme ndiŋwɔŋ cup emi Ami ndiŋwɔŋde? Mmɔ ete Enye, Nnyin imekeme.

MATTHEW 26:39

Ndien Enye aka ke iso esisit, ɔduɔ okibi iso ke isɔŋ, ɔbɔŋ akam ete, O Ete Mi, edieke usuŋ odude, yak cup emi ebe ɔkpɔŋ Mi; edi yak okudi nte Ami nnyimede; edi yak edi nte Afo onyimede.

MATTHEW 26:42

Enye ɔtɔŋɔ ntak aka ɔyɔhɔ utim ikaba ɔkɔbɔŋ akam ete, O Ete Mi, edieke cup emi mikemeke ndibe ŋkpɔŋ Mi ke mmeŋwɔŋke enye, yak edi nte Afo onyimede.

MATTHEW 26:44

Enye ɔtɔŋɔ ntak ɔkpɔŋ mmɔ, aka ɔkɔbɔŋ akam ɔyɔhɔ utim ikata, etiŋ kpasuk ikɔ oro.

MATTHEW 6:10

Yak Ubɔŋ Fo edi; Yak inam uduak Fo; Nte enamde ke heaven, yak inam ke isɔŋ kpasuk ntre;

MARK 14:36

Enye onyuŋ ɔdɔhɔ ete, Abba, Ete, Afo emekeme ndinam kpukpru ŋkpɔ: men cup ke iso Mi fep: edi okudi nte Ami nnyimede, edi nte Afo onyimede.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

JOHN 18:11

Jesus ete Peter, Sin ofut ke efɔk; nte ndiŋwɔŋke cup emi Ete Mi ɔkɔnɔde Mi?

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.

JOHN 5:30

Ami ŋkemeke ndinam baba ŋkpɔ kiet ke Idem Mi: adaŋa nte ŋkopde ke mbiere ikpe; ndien ubiere-ikpe Mi edi edinen; koro mbineke uduak idem Mi, edi mbine uduak Andidɔŋ Mi.

JOHN 6:38

Koro nto ke heaven nsuhɔre ndi, idige man nnam uduak Idem Mi, edi man nnam uduak Andidɔŋ Mi.

UTOM MME APOSTLE 21:14

Ndien sia enye minyimeke ndikop nnɔ nnyin, nnyin idop uyo, idɔhɔ ite, Yak edi nte Ɔbɔŋ onyimede.